ഡബ്ല്യു.എച്ച്.ഒ തലപ്പത്തേക്ക് വീണ്ടും ഗബ്രിയേസൂസ്

ജനീവ: വീണ്ടും ലോകാരോഗ്യ സംഘടന മേധാവിയാകാൻ (ഡബ്ല്യു.എച്ച്.ഒ) ടെഡ്രോസ് അ​ദാനോം ഗബ്രിയേസൂസ്. മേയിൽ നടക്കുന്ന തെരഞ്ഞെടുപ്പിൽ സ്ഥാനാർഥിത്വം ഉറപ്പിച്ചിരിക്കയാണ് ഗബ്രിയേസൂസ്.

കഴിഞ്ഞദിവസം ഡബ്ല്യു.എച്ച്.ഒ എക്സിക്യൂട്ടിവ് ബോർഡ് അംഗങ്ങൾക്കിടയിൽ നടന്ന രഹസ്യ വോട്ടെടുപ്പിൽ അദ്ദേഹത്തി​ന്‍റെ നാമനിർദേശം അംഗീകരിച്ചിരുന്നു.

കോവിഡ് മഹാമാരി നിയന്ത്രണത്തിലാക്കാൻ ഇത്യോപ്യൻ മുൻമന്ത്രിയും മലേറിയ വിദഗ്ധനുമായ ഗബ്രിയേസൂസ് നടത്തിയ പ്രവർത്തനങ്ങൾ ലോകശ്രദ്ധയാകർഷിച്ചിരുന്നു. ഈ പദവിയിലെത്തുന്ന ആദ്യ ആഫ്രിക്കൻ നേതാവാണിദ്ദേഹം.