ഇസ്രായേലിനെതിരെ കടുത്ത നടപടിക്കൊരുങ്ങി ജർമനി; ആയുധ കയറ്റുമതി നിർത്തുമെന്ന് പ്രഖ്യാപനം

ബർലിൻ: ഗസ്സയിൽ വലിയ രീതിയിൽ ആക്രമണം തുടരുന്ന ഇസ്രായേലിനെതിരെ കടുത്ത നടപടികൾ സ്വീകരിക്കുമെന്ന മുന്നറിയിപ്പുമായി ജർമനി. മനുഷ്യാവകാശ നിയമങ്ങൾ ലംഘിക്കാൻ ആയുധം കയറ്റുമതി ചെയ്യില്ലെന്ന് ജർമ്മൻ വിദേശകാര്യമന്ത്രി പറഞ്ഞു. വലിയ രീതിയിലുള്ള വ്യോമാക്രമണങ്ങളും ഭക്ഷണത്തിന്റേയും മരുന്നുകളുടേയും ക്ഷാമവും മൂലം ഗസ്സയിലെ ജനങ്ങൾ വലിയ ദുരിതം നേരിടുന്ന സാഹചര്യത്തിൽ തങ്ങളുടെ പിന്തുണയെ ഇസ്രായേൽ ആയുധമാക്കി മാറ്റരുതെന്ന് ജർമൻ വിദേശകാര്യമന്ത്രി ജോൺ വാഡേപോൾ പറഞ്ഞു.

ഇനി എന്ത് നടപടികൾ സ്വീകരിക്കണമെന്നത് സംബന്ധിച്ച് ഞങ്ങൾ ഗൗരവകരമായി ചിന്തിക്കുകയാണ്. കൂടുതൽ നശീകരണ പ്രവർത്തനങ്ങൾക്കായി ആയുധങ്ങൾ നൽകില്ലെന്ന് തീരുമാനിച്ചിട്ടുണ്ട്. ഇസ്രായേലിൽ നിന്നും ആയുധ വിതരണത്തിൽ നിന്നും പുതിയ ഓർഡറുകളൊന്നും സ്വീകരിച്ചിട്ടില്ലെന്നും അദ്ദേഹം പറഞ്ഞു.

നേരത്തെ ഇസ്രായേൽ നടപടികളെ വിമർശിച്ച് ജർമ്മൻ ചാൻസിലർ ഫ്രെഡിക് മെർസ് രംഗത്തെത്തിയിരുന്നു. ഇസ്രായേലിന്റെ ഹമാസിനെതിരായ പോരാട്ടത്തെ ഇനിയും ന്യായീകരിക്കാനാവില്ലെന്നായിരുന്നു അദ്ദേഹത്തിന്റെ പ്രതികരണം.

നേരത്തെ ഗ​സ്സ മു​ന​മ്പി​ൽ യു​ദ്ധ​ക്കു​റ്റ​മാ​ണ് ഇ​സ്രാ​യേ​ൽ ചെ​യ്യു​ന്ന​തെ​ന്ന് മു​ൻ പ്ര​ധാ​ന​മ​ന്ത്രി യ​ഹൂ​ദ് ഒ​ൽ​മെ​ർ​ട്ട് പറഞ്ഞിരുന്നു. ഫ​ല​സ്തീ​ൻ പൗ​ര​ന്മാ​രെ വി​വേ​ച​ന​വും പ​രി​ധി​യു​മി​ല്ലാ​തെ ക്രൂ​ര​മാ​യി കൊ​ല്ലു​ക​യാ​ണെ​ന്നും അ​ദ്ദേ​ഹം പ​റ​ഞ്ഞു. പ്രാ​ദേ​ശി​ക പ​ത്ര​മാ​യ ഹ​രീ​റ്റ്സി​ൽ എ​ഴു​തി​യ ലേ​ഖ​ന​ത്തി​ലാ​ണ് ബി​ന്യ​മി​ൻ നെ​ത​ന്യാ​ഹു​വി​ന്റെ നേ​തൃ​ത്വ​ത്തി​ലു​ള്ള ഇ​സ്രാ​യേ​ൽ സ​ർ​ക്കാ​റി​നെ രൂ​ക്ഷ​മാ​യി വി​മ​ർ​ശി​ക്കു​ന്ന​ത്.

‘‘ഒ​രു വ​ർ​ഷ​ത്തി​നി​ടെ ഇ​സ്രാ​യേ​ലി​നെ​തി​രെ ഉ​യ​ർ​ന്ന വം​ശ​ഹ​ത്യ, യു​ദ്ധ​ക്കു​റ്റ ആ​രോ​പ​ണ​ങ്ങ​ൾ ഞാ​ൻ പ​ര​സ്യ​മാ​യി നി​ഷേ​ധി​ച്ചി​രു​ന്നു. കാ​ര​ണം, ഭീ​ക​ര​മാ​യ തോ​തി​ൽ കൊ​ല​പാ​ത​ക​ങ്ങ​ൾ ന​ട​ന്നി​ട്ടു​ണ്ടെ​ങ്കി​ലും ഗ​സ്സ​യി​ലെ സാ​ധാ​ര​ണ​ക്കാ​രെ വി​വേ​ച​ന​ര​ഹി​ത​മാ​യി ആ​ക്ര​മി​ക്കാ​ൻ ഇ​സ്രാ​യേ​ൽ സ​ർ​ക്കാ​ർ ഉ​ത്ത​ര​വി​ട്ടി​രു​ന്നി​ല്ല. പ​ക്ഷേ, ക​ഴി​ഞ്ഞ കു​റ​ച്ച് ആ​ഴ്ച​ക​ളാ​യി ന​ട​ക്കു​ന്ന കൊ​ല​പാ​ത​ക​ങ്ങ​ളും പ​ട്ടി​ണി​യും എ​ന്റെ കാ​ഴ്ച​പ്പാ​ട് മാ​റ്റി​മ​റി​ച്ചു’’ -ഒ​ൽ​മെ​ർ​ട്ട് പ​റ​ഞ്ഞു.