ഗസ്സയിൽ പ്രതിഷേധത്തിനിടെ പരിക്കേറ്റ ഫലസ്​തീനി ബാലൻ കൊല്ലപ്പെട്ടു

ഗസ്സസിറ്റി: ഉപരോധം നീക്കണമെന്നാവശ്യപ്പെട്ട്​ ഗസ്സ-ഇസ്രായേൽ അതിർത്തിയിൽ ഹമാസി​െൻറ നേതൃത്വത്തിൽ കഴിഞ്ഞാഴ്​ച നടന്ന പ്രതിഷേധത്തിനിടെ ഇസ്രായേൽ സൈന്യത്തി​െൻറ വെടിയേറ്റ 12കാരൻ ഫലസ്​തീനി ബാലൻ മരിച്ചു. ഹസൻ അബു അൽ നീൽ ആണ്​ മരിച്ചത്​. തലക്ക്​ വെടിയേറ്റ്​ ഗുരുതരമായി പരിക്കേറ്റ ഹസൻ ഒരാഴ്​ചയായി ചികിത്സയിലായിരുന്നു.

അതിർത്തിവേലിക്കടുത്ത്​ വെച്ച്​ ഫലസ്​തീൻ പ്രതിഷേധകർ കല്ലേറ്​ നടത്തിയെന്നാരോപിച്ചാണ്​ ഇസ്ര​ായേൽ സൈന്യം വെടിവെച്ചത്​. ഹസൻ ഉൾപ്പെടെ 40 ഫലസ്​തീനികൾക്കാണ്​ പ്രതിഷേധത്തിനിടെ പരിക്കേറ്റത്​. ഗുരുതരമായി പരിക്കേറ്റ ഹമാസ്​ സേനാംഗം ബുധനാഴ്​ച മരിച്ചിരുന്നു.

പരിക്കേറ്റ ഇസ്രായേൽ സൈനിക​െൻറ നിലയും ഗുരുതരമാണ്​. ഗസ്സക്കുമേലുള്ള ഉപരോധം നീക്കണമെന്നാവശ്യപ്പെട്ട്​ ബുധനാഴ്​ചയും പ്രതിഷേധം നടന്നിരുന്നു. തുടർന്ന്​ ഗസ്സയിലേക്ക്​ ചരക്കുവാഹനങ്ങൾക്ക്​ ഇസ്രായേൽ അനുമതി നൽകി.