ഗസ്സ തിരക്കിലാണ്, ​യൂറോപ്പിന്​ മാസ്​​ക്​ നൽകാൻ

ഗസ്സ സിറ്റി: സമാനതകളില്ലാത്ത ഇസ്രായേൽ ഉപരോധത്തിൽ ഞെരു​ങ്ങു​േമ്പാഴും ലോകത്തിന്​ കോവിഡ്​ പ്രതിരോധ കവചം ഒ രുക്കുന്ന തിരക്കിലാണ്​ ഗസ്സ. ​െകാറോണ വ്യാപനം തടയാൻ ദശലക്ഷക്കണക്കിന്​ മാസ്​കുകളാണ്​ ഈ ​െകാച്ചു നഗരം നിർമിച്ച ്​ വിവിധ രാഷ്​ട്രങ്ങളിലേക്ക്​ കയറ്റി അയക്കുന്നത്​.

ആവശ്യമുള്ള അസംസ്​കൃത വസ്തുക്കൾ എത്തിക്കാൻ അനുവദിക്കുന്ന കാലത്തോളം നിർമാണം തുടരുമെന്ന്​ തയ്യൽശാല ഉടമകൾ പറയുന്നു. ത​​െൻറ സ്​ഥാപനത്തിൽ 40 തൊഴിലാളികൾ ഇടതടവില്ലാതെ ജോലിയിലാണെന്ന് ഹസ്‌കോ തയ്യൽ ശാല നടത്തിപ്പുകാരിൽ ഒരാളായ അബ്ദുല്ല ഷെഹാദെ പറഞ്ഞതായി മിഡിലീസ്​റ്റ്​ മോണിറ്റർ ഡോട്​ കോം റിപ്പോർട്ട്​ ചെയ്യുന്നു. 14 വർഷമായി തുടരുന്ന ഇസ്രായേലി ഉപരോധവും കോവിഡും തീർത്ത പ്രതിസന്ധിക്കിടയിലും ഗസ്സയിൽ പലയിടത്തായി മാസ്​ക്​ നിർമാണം തുടരുകയാണെന്ന് അദ്ദേഹം പറഞ്ഞു.

ഉപരോധം തുടങ്ങിയതു മുതൽ പതിറ്റാണ്ടിലേറെയായി ‘യൂനിപാൽ’ വസ്ത്ര നിർമാണ ഫാക്ടറിയുടെ പ്രവർത്തനം മന്ദഗതിയിലായിരുന്നു. എന്നാൽ, കോവിഡ്​ തുടങ്ങിയ​േതാ​െട സ്​ഥിതിമാറി. വസ്​ത്ര നിർമാണത്തിൽ നിന്ന്​ മാസ്​ക്​, ഹോസ്​പിറ്റൽ ഗൗൺ നിർമാണത്തിലേക്ക്​ തങ്ങൾ ചുവടുവെച്ചതായി ഫാക്ടറി ഉടമ ബഷീർ അൽ ബവാബ് ‘അൽ ജസീറ’ ചാനലിനോട്​ പറഞ്ഞു. രാവിലെ മുതൽ നാനൂറോളം പേരാണ്​ ഇവിടെ മെഡിക്കൽ മാസ്കുകളും ശസ്ത്രക്രിയ ഗൗണുകളും നിർമ്മിക്കുന്നത്​.

പ്രാദേശിക, അന്തർദേശീയ വിപണികളിലാണ്​ മെയ്​ഡ്​ ഇൻ ഗസ്സ മാസ്​കുകൾ വിറ്റഴിക്കുന്നത്​. കോവിഡ്​ വ്യാപകമായ യൂറോപ്പാണ്​ പ്രധാന ഉപഭോക്​താക്കൾ. മാസ്​കില്ലാതെ പ്രയാസപ്പെടുന്നവരെ സഹായിക്കുകയാണ്​ തങ്ങൾ ചെയ്യുന്നതെന്ന്​ നിർമാതാക്കൾ പറയുന്നു. മനുഷ്യ ജീവിതം എല്ലാ രാഷ്ട്രീയ വ്യത്യാസങ്ങൾക്കും ഉപരിയാണെന്നും ഇവർ വ്യക്​തമാക്കി.