Begin typing your search above and press return to search.
exit_to_app
exit_to_app
Homechevron_rightNewschevron_rightWorldchevron_rightയു.എസിലെയും...

യു.എസിലെയും ആസ്​ട്രേലിയയിലെയും സ്​ഥാനപതികളെ തിരിച്ചുവിളിച്ച്​ ഫ്രാൻസ്​

text_fields
bookmark_border
യു.എസിലെയും ആസ്​ട്രേലിയയിലെയും സ്​ഥാനപതികളെ തിരിച്ചുവിളിച്ച്​ ഫ്രാൻസ്​
cancel

പാരിസ്​: അന്തർവാഹിനി വാങ്ങാനുള്ള കരാറിൽനിന്ന്​ പിന്മാറിയതിൽ പ്രതിഷേധിച്ച്​ ഫ്രാൻസ്​ ആസ്​ട്രേലിയയിലെയും യു.എസിലെയും സ്ഥാനപതികളെ തിരിച്ചുവിളിച്ചു. ഫ്രാൻസ്​ പ്രസിഡൻറ്​ ഇമ്മാനുവൽ മാക്രോണി​െൻറ നിർദേശപ്രകാരമാണ്​ നടപടിയെന്ന്​ വിദേശകാര്യമന്ത്രാലയം അറിയിച്ചു. യു.എസുമായും ബ്രിട്ടനുമായും ഒപ്പുവെച്ച പുതിയ പ്രതിരോധ കരാറിനു പിന്നാലെയാണ്​ ആസ്​ട്രേലിയ ഫ്രാൻസുമായുള്ള അന്തർവാഹിനി കരാറിൽനിന്ന്​ പിന്മാറിയത്​. 2016ൽ ഫ്രാൻസുമായി 12 അന്തർവാഹിനികൾ വാങ്ങാനാണ്​ ആസ്​ട്രേലിയ കോടികളുടെ കരാറൊപ്പിട്ടത്​.

സെപ്​റ്റംബർ 15നാണ്​ മൂന്നുരാജ്യങ്ങളും ഓകസ്​ എന്ന പേരിലുള്ള പ്രതിരോധ കരാറിനെക്കുറിച്ച്​ പ്രഖ്യാപിച്ചത്​. ഈ കരാർ പ്രകാരം യു.എസ്​ സാ​ങ്കേതികവിദ്യ കൈമാറുന്നതോടെ ആസ്​ട്രേലിയക്ക്​ സ്വന്തമായി അന്തർവാഹിനി നിർമിക്കാൻ കഴിയും.ആസ്​ട്രേലിയയുമായി മറ്റ​ു​ മേഖലകളിലുള്ള സഹകരണം നിർത്തുന്നതിനെക്കുറിച്ചും ആലോചിക്കുകയാണെന്നും ഫ്രാൻസ്​ മുന്നറിയിപ്പു നൽകി. ഫ്രഞ്ച്​ സർക്കാറി​െൻറ നടപടി ഖേദകരമെന്ന്​ യു.എസ്​ പ്രതികരിച്ചു.

ചർച്ചകളിലൂടെ പ്രശ്​നങ്ങൾ പരിഹരിക്കാമെന്നും വൈറ്റ്​ഹൗസ്​ വ്യക്തമാക്കി. ജൂൺ അഞ്ചിന്​ മാക്രോണുമായി ആസ്​ട്രേലിയൻ പ്രധാനമന്ത്രി സ്​കോട്​ മോറിസൻ നടത്തിയ കൂടിക്കാഴ്​ചയിൽ പോലും അന്തർവാഹിനി കരാറിൽ നിന്ന്​ പിൻമാറുന്ന കാര്യത്തെ കുറിച്ച്​ സൂചിപ്പിച്ചിരുന്നില്ലെന്ന്​ ഫ്രഞ്ച്​ നയതന്ത്രപ്രതിനിധി കുറ്റപ്പെടുത്തി. അതിന​ിടെ, ഫ്രാൻസുമായുള്ള പ്രശ്​നം പരിഹരിക്കാൻ ശ്രമിക്കുമെന്ന്​ ആസ്​ട്രേലിയൻ വിദേശകാര്യ മന്ത്രി മെരീസ്​ പെയ്​ൻ പറഞ്ഞു.

Show Full Article
TAGS:Emmanuel Macron 
News Summary - French President Emmanuel Macron recalls envoys from US and Australia
Next Story