ഓക്സിജൻ നിർമിക്കാൻ ആശുപത്രികൾക്ക് എട്ട് ജനറേറ്ററുകൾ; കോവിഡിൽ വലയുന്ന ഇന്ത്യക്ക് സഹായവുമായി ഫ്രാൻസ്
text_fieldsപാരീസ്: കോവിഡിെൻറ രണ്ടാം തരംഗത്തിൽ വലയുന്ന ഇന്ത്യക്ക് സഹായഹസ്തവുമായി ഫ്രാൻസ്. ഇന്ത്യക്ക് സഹായം നൽകുന്നതിനുള്ള പ്രവർത്തനങ്ങൾ ഏകോപിപ്പിക്കാൻ ഫ്രാൻസിെൻറ വിദേശകാര്യമന്ത്രാലയത്തിന് പ്രസിഡൻറ് ഇമാനുവൽ മാക്രോൺ ഞായറാഴ്ച നിർദേശം നൽകിയിരുന്നു. ഇതിന് പിന്നാലെയാണ് ഫ്രാൻസ് ഇന്ത്യക്കുള്ള സഹായം പ്രഖ്യാപിച്ചത്.
ഇന്ത്യൻ ആശുപത്രികൾക്ക് ഓക്സിജൻ സ്വയം നിർമിക്കാനായി 10 ഓക്സിജൻ ജനറേറ്റുകൾ നൽകുമെന്ന് ഫ്രാൻസ് അറിയിച്ചു. 10 വർഷത്തേക്ക് ഈ ജനറേറ്റുകൾ ഉപയോഗിച്ച് ഓക്സിജൻ ഉൽപാദിപ്പിക്കാം. ഇതിന് പുറമേ 28 ശ്വസനസഹായികൾ, 200 ഇലക്ട്രിക് സിറിഞ്ച് പമ്പ് എന്നിവയും ഫ്രാൻസ് ഇന്ത്യക്കായി നൽകും. കടൽ,വ്യോമ മാർഗങ്ങളിലൂടെ എത്രയും വേഗത്തിൽ ഇന്ത്യക്കായി സഹായമെത്തിക്കുമെന്നും ഫ്രാൻസ് വ്യക്തമാക്കിയിട്ടുണ്ട്.
ഡൽഹി ഉൾപ്പടെ രാജ്യത്തെ പല നഗരങ്ങളിലും ഇപ്പോഴും കടുത്ത ഓക്സിജൻ ക്ഷാമം അനുഭവപ്പെടുന്നുണ്ട്. ഓക്സിജൻ ലഭിക്കാതെ നിരവധി പേർ ഇന്ത്യയിൽ മരിക്കുകയും ചെയ്തിരുന്നു. ഇൗയൊരു സാഹചര്യത്തിൽ ഇന്ത്യക്ക് ആശ്വാസം പകരുന്നതാണ് ഫ്രാൻസിെൻറ തീരുമാനം.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.