വെസ്റ്റ് ബാങ്കിൽ നാല് ഇസ്രായേലികൾ കൊല്ലപ്പെട്ടു

ജ​റൂ​സ​ലം: അ​ധി​നി​വേശ വെ​സ്റ്റ് ബാ​ങ്കി​ൽ ജൂത കുടിയേറ്റ കേന്ദ്രത്തിന് സമീപമുണ്ടായ വെടിവെപ്പിൽ നാല് ഇസ്രായേലികൾ കൊല്ലപ്പെട്ടു. നാല് പേർക്ക് പരിക്കേൽക്കുകയും ചെയ്തു. നബ്ലൂസിന് 16 കിലോമീറ്റർ തെക്ക് ഏലിയിൽ പെട്രോൾ സ്റ്റേഷനിലാണ് തോക്കുധാരി ആക്രമണം നടത്തിയത്. ഒരു തോക്കുധാരിയെ വെടിവെച്ചുകൊന്നതായി ഇസ്രായേൽ സൈന്യം പറഞ്ഞു. മറ്റുള്ളവർക്കുവേണ്ടി തെരച്ചിൽ ആരംഭിച്ചതായും സൈന്യം വ്യക്തമാക്കി.

അതിനിടെ, വെസ്റ്റ് ബാങ്കിൽ ഇ​സ്രാ​യേ​ൽ സേ​ന ഫ​ല​സ്തീ​ൻ​കാ​ര​നെ വെ​ടി​വെ​ച്ചു​കൊ​ന്ന​താ​യി ഫ​ല​സ്തീ​ൻ ആ​രോ​ഗ്യ മ​ന്ത്രാ​ല​യം ഉ​ദ്യോ​ഗ​സ്ഥ​ർ അ​റി​യി​ച്ചു. 21കാ​ര​നാ​യ സ​ക്ക​രി​യ അ​ൽ സൗ​ൽ ആ​ണ് കൊ​ല്ല​പ്പെ​ട്ട​ത്. ബ​ത്‍ല​ഹേ​മി​ന് പ​ടി​ഞ്ഞാ​റ് ഹു​സ​ൻ ന​ഗ​ര​ത്തി​ലാ​ണ് സം​ഭ​വം. സൈ​ന്യ​വു​മാ​യു​ള്ള ഏ​റ്റു​മു​ട്ട​ലി​ലാ​ണ് ഇ​ദ്ദേ​ഹ​ത്തി​ന് വെ​ടി​യേ​റ്റ​തെ​ന്ന് ഔ​ദ്യോ​ഗി​ക ഫ​ല​സ്തീ​ൻ വാ​ർ​ത്ത ഏ​ജ​ൻ​സി​യാ​യ വ​ഫ റി​പ്പോ​ർ​ട്ട് ചെ​യ്തു. അ​തേ​സ​മ​യം, ഹു​സ​ന് സ​മീ​പം വെ​സ്റ്റ് ബാ​ങ്ക് ഹൈ​വേ​യി​ൽ നി​ല​യു​റ​പ്പി​ച്ച സൈ​ന്യ​ത്തി​നു​നേ​രെ തീ​ബോം​ബ് എ​റി​ഞ്ഞ​തി​ന് മ​റു​പ​ടി​യാ​യി ന​ട​ത്തി​യ വെ​ടി​വെ​പ്പി​ലാ​ണ് യു​വാ​വ് കൊ​ല്ല​പ്പെ​ട്ട​തെ​ന്ന് ഇ​സ്രാ​യേ​ൽ സൈ​ന്യം പ​റ​ഞ്ഞു.

ക​ഴി​ഞ്ഞ ദി​വ​സം ജെ​നി​ൻ പ​ട്ട​ണ​ത്തി​ലു​ണ്ടാ​യ സം​ഘ​ർ​ഷ​ത്തി​ൽ 15 വ​യ​സ്സു​ള്ള ആ​ൺ​കു​ട്ടി ഉ​ൾ​പ്പെ​ടെ അ​ഞ്ച് ഫ​ല​സ്തീ​ൻ​കാ​ർ കൊ​ല്ല​പ്പെ​ട്ടി​രു​ന്നു. 90 പേ​ർ​ക്ക് പ​രി​ക്കേ​ൽ​ക്കു​ക​യും ചെ​യ്തു. എ​ട്ട് ഇ​സ്രാ​യേ​ൽ സൈ​നി​ക​ർ​ക്കും പ​രി​ക്കേ​റ്റി​ട്ടു​ണ്ട്. വ​ർ​ഷ​ങ്ങ​ൾ​ക്കു​ശേ​ഷം, ഹെ​ലി​കോ​പ്ട​റി​ൽ​നി​ന്ന് ഇ​സ്രാ​യേ​ൽ സൈ​ന്യം വെ​ടി​യു​തി​ർ​ക്കു​ന്ന​തി​നും ക​ഴി​ഞ്ഞ ദി​വ​സ​ത്തെ സം​ഘ​ർ​ഷം സാ​ക്ഷ്യം​വ​ഹി​ച്ചു.