രാജ്യത്തെ നയിക്കാൻ അവസരം ലഭിച്ച നല്ല മനുഷ്യൻ; ബൈഡനെ അഭിനന്ദിച്ച്​ ജോർജ്​ ഡബ്ല്യു ബുഷ്​

വാഷിങ്​ടൺ: യു.എസ്​ പ്രസിഡൻറായി തെരഞ്ഞെടുക്കപ്പെട്ട ജോ ബൈഡന്​ അഭിനന്ദനങ്ങൾ അറിയിച്ച്​ മുൻ അമേരിക്കൻ പ്രസിഡൻറ്​ ജോർജ്​ ഡബ്ല്യൂ ബുഷ്​. 'രാജ്യത്തെ നയിക്കാനും ഏകീകരിക്കാനും അവസരം ലഭിച്ച നല്ല മനുഷ്യൻ' എന്ന്​ ബൈഡനെ അഭിസംബോധന ചെയ്യുകയും ചെയ്​തു.

തെരഞ്ഞെടുപ്പിൽ ഏഴുകോടി ​വോട്ട്​ നേടിയ പ്രസിഡൻറ്​ ഡോണൾഡ്​ ട്രംപിനെയും അദ്ദേഹം അഭിനന്ദിച്ചു. ഡോണൾഡ്​ ട്രംപ്​ അസാധാരണമായ നേട്ടം കൈവരിച്ചതായും ഡാളസിലെ പ്രസിഡൻഷ്യൽ സെൻററിൽനിന്ന്​ പുറത്തിറക്കിയ പ്രസ്​താവയിൽ പറയുന്നു.

ട്രംപ്​ പരാജയം അംഗീകരിക്കാതെ വന്നതോടെ ബൈഡ​െൻറ വിജയം അംഗീകരിക്കുന്ന പ്രമുഖ റിപ്പബ്ലിക്കൻ നേതാവായി ബുഷ്​ മാറി.

ജോർജ്​ ബുഷി​െൻറ സഹോദരൻ ജെബ്​ ബുഷും ബൈഡന്​ ആംശസകളുമായി എത്തി. 'നിങ്ങൾക്കും നിങ്ങളുടെ വിജയത്തിനുമായി ഞാൻ പ്രാർഥിക്കുന്നു. ആഴത്തിലുള്ള മുറിവുകൾ സുഖപ്പെടുത്തുന്ന സമയമാണിത്​. ധാരാളം പേർ നിങ്ങൾ നയിക്കണമെന്ന്​ ആഗ്രഹിക്കുന്നു' -ജെബ്​ ബുഷ്​ പറഞ്ഞു. 2016ൽ റിപ്പബ്ലിക്കൻ പാർട്ടിയുടെ പ്രസിഡൻറ്​ സ്​ഥാനാർഥിയായി ഉയർന്നുകേട്ട പേരായിരുന്നു ജെബ്​ ബുഷി​േൻറത്​. പിന്നീട്​ ഡോണൾഡ്​ ട്രംപ്​ എത്തിയതോടെ സ്​ഥാനം നഷ്​ടപ്പെടുകയായിരുന്നു.