എസ്.സി.ഒ സമ്മേളനത്തിൽ പാക് വിദേശകാര്യ മന്ത്രി പങ്കെടുക്കും

ഇ​സ്‍ലാ​മാ​ബാ​ദ്: അ​ടു​ത്ത​മാ​സം ഇ​ന്ത്യ​യി​ൽ ന​ട​ക്കു​ന്ന ഷാ​ങ്ഹാ​യ് സ​ഹ​ക​ര​ണ സം​ഘ​ട​ന (എ​സ്.​സി.​ഒ) യോ​ഗ​ത്തി​ൽ പാ​കി​സ്താ​ൻ വി​ദേ​ശ​കാ​ര്യ മ​ന്ത്രി ബി​ലാ​വ​ൽ ഭൂ​ട്ടോ സ​ർ​ദാ​രി പ​​ങ്കെ​ടു​ക്കും. ഇ​രു​രാ​ജ്യ​ങ്ങ​ളും ത​മ്മി​ലു​ള്ള സം​ഘ​ർ​ഷ​ത്തി​ന് അ​യ​വു​വ​രു​ത്താ​ൻ ഉ​ത​കു​ന്ന​താ​യി​രി​ക്കും സ​ന്ദ​ർ​ശ​ന​മെ​ന്നാ​ണ് വി​ല​യി​രു​ത്ത​ൽ. വി​ദേ​ശ​കാ​ര്യ മ​ന്ത്രാ​ല​യം വ​ക്താ​വ് മും​താ​സ് സ​ഹ്റ ബ​ലോ​ചാ​ണ് സ​ന്ദ​ർ​ശ​ന വി​വ​രം പു​റ​ത്തു​വി​ട്ട​ത്.

മേ​യ് നാ​ല്, അ​ഞ്ച് തീ​യ​തി​ക​ളി​ൽ ഗോ​വ​യി​ൽ ന​ട​ക്കു​ന്ന സ​മ്മേ​ള​ന​ത്തി​ൽ പ​​ങ്കെ​ടു​ക്കു​ന്ന പാ​ക് പ്ര​തി​നി​ധി സം​ഘ​ത്തെ ബി​ലാ​വ​ൽ ഭൂ​ട്ടോ സ​ർ​ദാ​രി ന​യി​ക്കു​മെ​ന്ന് പ്ര​തി​വാ​ര വാ​ർ​ത്ത​സ​മ്മേ​ള​ന​ത്തി​ൽ അ​വ​ർ പ​റ​ഞ്ഞു.

ഇ​രു രാ​ജ്യ​ങ്ങ​ളും ത​മ്മി​ൽ പ​ല വി​ഷ​യ​ങ്ങ​ളി​ലും ത​ർ​ക്കം നി​ല​നി​ൽ​ക്കു​ന്ന​തി​നാ​ൽ ബി​ലാ​വ​ൽ ഭൂ​ട്ടോ പ​​ങ്കെ​ടു​ക്കു​മോ​യെ​ന്ന കാ​ര്യ​ത്തി​ൽ അ​നി​ശ്ചി​ത​ത്വ​മു​ണ്ടാ​യി​രു​ന്നു. ഇ​ന്ത്യ​ൻ വി​ദേ​ശ​കാ​ര്യ മ​ന്ത്രി എ​സ്. ജ​യ്ശ​ങ്ക​റി​​ന്റെ ക്ഷ​ണ​മ​നു​സ​രി​ച്ചാ​ണ് ബി​ലാ​വ​ൽ ഭൂ​ട്ടോ സ​മ്മേ​ള​ന​ത്തി​ൽ പ​​ങ്കെ​ടു​ക്കു​ന്ന​തെ​ന്നും വ​ക്താ​വ് പ​റ​ഞ്ഞു.