ലേഡി ഗാഗയുടെ 'മൂന്നേമുക്കാൽ കോടി'യുടെ നായ്​ക്കളെ മോഷ്​ടിച്ച അഞ്ചുപേർ അറസ്​റ്റിൽ

ലോ​സ്​ ആ​ഞ്​​ജ​ല​സ്​: ​ അ​മേ​രി​ക്ക​ൻ സം​ഗീ​ത​റാ​ണി​യും ന​ടി​യു​മാ​യ ലേ​ഡി ഗാ​ഗ​യു​ടെ വിലയേറിയ രണ്ടു ഫ്ര​ഞ്ച്​ ബു​ൾ​ഡോ​ഗു​ക​ളെ മോഷ്​ടിച്ചതിന്​ അഞ്ചുപേർ അറസ്​റ്റിൽ. പ​രി​ചാ​ര​ക​നെ വെ​ടി​വെ​ച്ചി​ട്ട്​ ക​വ​ർ​ച്ച ചെ​യ്യ​പ്പെ​ട്ട ​ വ​ള​ർ​ത്തു​നാ​യ്​​ക്ക​ളെ പൊ​ലീ​സി​ൽ തി​രി​ച്ചേ​ൽ​പ്പി​ച്ച അ​മ്പ​തു​കാ​രി​യ​ട​ക്കമുള്ളവരെയാണ്​ ലോ​സ്​ ആ​ഞ്​​ജ​ല​സ്​ പൊ​ലീ​സ്​ അ​റ​സ്​​റ്റ്​​ചെ​യ്തത്​.

ക​ഴി​ഞ്ഞ ഫെ​ബ്രു​വ​രി 24നാ​ണ്, നാ​യ്​​ക്ക​ളെ​യും​കൊ​ണ്ട്​ ന​ട​ക്കാ​നി​റ​ങ്ങി​യ പ​രി​ചാ​ര​ക​നെ വെ​ടി​വെ​ച്ചി​ട്ട്​ ഒരുസം​ഘം അ​വ​യെ ക​ട​ത്തി​ക്കൊ​ണ്ടു​പോ​യ​ത്. കണ്ടെത്തുന്നവർക്ക്​ ഗായിക മൂന്നേമുക്കാൽ കോടി രൂപയോളം ഇനാം പ്രഖ്യാപിച്ചിരുന്നു.

ര​ണ്ടു ദി​വ​സ​ങ്ങ​ൾ​ക്കു​ശേ​ഷം മോ​ഷ്​​ടി​ക്ക​പ്പെ​ട്ട ര​ണ്ടു നാ​യ്​​ക്ക​ളെ​യും ഒ​രു സ്​​ത്രീ പൊ​ലീ​സി​ൽ ഏ​ൽ​പ്പി​ക്കു​ക​യാ​യി​രു​ന്നു. ആ​ദ്യം പൊ​ലീ​സ്​ ഇ​വ​രെ സം​ശ​യി​ച്ചി​രു​ന്നി​ല്ലെ​ങ്കി​ലും പി​ന്നീ​ട്​ ന​ട​ത്തി​യ അ​ന്വേ​ഷ​ണ​ത്തി​ലാ​ണ്, മോ​ഷ്​​ടാ​ക്ക​ളു​മാ​യി ഇ​വ​ർ​ക്കു​ള്ള ബ​ന്ധം അ​റി​ഞ്ഞ​ത്.

വി​ല കൂ​ടി​യ നാ​യ്​​ക്ക​ളെ ക​ണ്ട​പ്പോ​ൾ ക​വ​ർ​ച്ച ചെ​യ്​​ത​താ​ണെ​ന്നും ലേ​ഡി ഗാ​ഗ​യാ​ണ്​ ഇ​വ​യു​ടെ ഉ​ട​മ​യെ​ന്ന്​ മോ​ഷ്​​ടാ​ക്ക​ൾ​ക്ക്​ അ​റി​യു​മാ​യി​രു​ന്നി​ല്ലെ​ന്നു​മാ​ണ്​ പൊ​ലീ​സ്​ പ​റ​ഞ്ഞ​ത്.

സെ​ലി​ബ്രി​റ്റി​യു​ടേതാണെന്നറി​ഞ്ഞ​പ്പോ​ൾ തി​രി​ച്ചു​ന​ൽ​കി ത​ടി​യൂ​രാ​നാ​യി​രു​ന്നു ഇ​വ​രു​ടെ ശ്ര​മം എ​ന്നും പൊ​ലീ​സ്​ ക​രു​തു​ന്നു.