യു.എസ്​ സേനയെ സഹായിച്ച അഫ്​ഗാനികൾ അമേരിക്കയിലേക്ക്​; ആദ്യ വിമാനത്തിൽ പറന്നത്​ 200 പേർ

കാബൂൾ: രണ്ടു പതിറ്റാണ്ട്​ നീണ്ട അധിനിവേശ കാലത്ത്​ യു.എസ്​ സൈനികർക്കു വേണ്ടി പ്രവർത്തിച്ച അഫ്​ഗാനികളെ അമേരിക്കയിലെത്തിക്കുന്ന നടപടി ആരംഭിച്ചു. ദ്വിഭാഷികളും മറ്റു സഹായികളുമായി പ്രവർത്തിച്ച 221 പേരടങ്ങിയ ആദ്യ വിമാനം ഡാളസ്​ വിമാനത്താവളത്തിൽ ഇറങ്ങി. ഇവരിൽ 57 കുട്ടികൾ, 15 കുരുന്നുകൾ എന്നിവരുമുണ്ടായിരുന്നു.

അഫ്​ഗാനിലെ യു.എസ്​ അധിനിവേശത്തിന്​ സഹായം നൽകിയവർക്കു നേരെ താലിബാൻ പ്രതികാര സാധ്യത കണക്കിലെടുത്താണ്​ യു.എസിലെത്തിക്കുന്നത്​. സൈനിക പിൻമാറ്റ സമയത്ത്​ യു.എസ്​ ഭരണകൂടം ഉറപ്പുനൽകിയതായിരുന്നു ഇവരുടെ പുനരധിവാസം. അഫ്​ഗാൻ ജീവനക്കാർക്കൊപ്പം അവരു​െട കുടുംബങ്ങളെയും യു.എസിലെത്തിക്കുമെന്നാണ്​ വാഗ്​ദാനം.

വിസ നടപടികളും മറ്റും പൂർത്തിയാകുന്ന മുറക്ക്​ മറ്റുള്ളവർക്ക്​ കൂടി വൈകാതെ നാടുവിടാനാകും. 750 ജീവനക്കാരുടെ നടപടിക്രമങ്ങൾ പൂർത്തിയായതായും ഇവരുടെ കുടുംബങ്ങളടക്കം 1,750 പേർക്കാകും അവസരമെന്നും കഴിഞ്ഞ ദിവസം യു.എസ്​ സേന അറിയിച്ചു.