ഇന്തോനേഷ്യയിൽ ജ​യി​ലി​ന് തീ​പി​ടി​ച്ച് 40 പേ​ർ വെന്തുമ​രി​ച്ചു

ജ​ക്കാ​ർ​ത്ത: ഇ​ന്തോ​നേ​ഷ്യ ബാ​ൻ​ടെ​നി​ൽ‌ ജ​യി​ലി​ന് തീ​പി​ടി​ച്ച് 40 പേ​ർ വെന്തുമ​രി​ച്ചു. നി​ര​വ​ധി പേ​ർ​ക്ക് പ​രി​ക്കേ​റ്റു. ബു​ധ​നാ​ഴ്ച പു​ല​ർ​ച്ചെ​യാ​യി​രു​ന്നു തീ​പി​ടി​ത്തം ഉ​ണ്ടാ​യ​ത്.

സം​ഭ​വ​ത്തി​ൽ അ​ന്വേ​ഷ​ണം പ്ര​ഖ്യാ​പി​ച്ചി​ട്ടു​ണ്ട്. ടാ​ൻ​ഗെ​റം​ഗി​ലെ ജ​യി​ലി​ൽ സി ​ബ്ലോ​ക്കി​ലാ​ണ് തീ​പി​ടി​ത്ത​മു​ണ്ടാ​യ​ത്. മ​യ​ക്കു​മ​രു​ന്നു​മാ​യി ബ​ന്ധ​പ്പെ​ട്ട കു​റ്റ​കൃ​ത്യ​ങ്ങ​ളി​ൽ ഏ​ർ​പ്പെ​ട്ട​വ​രെ പാ​ർ​പ്പി​ച്ചി​രു​ന്ന ബ്ലോ​ക്കാ​യി​രു​ന്നു ഇ​ത്. ഇ​വി​ടെ 122 ത​ട​വു​കാ​രെ പാ​ർ​പ്പി​ക്കാ​നു​ള്ള സൗ​ക​ര്യ​മു​ണ്ട്. എ​ന്നാ​ൽ തീ​പി​ടി​ത്തം ഉ​ണ്ടാ​കു​മ്പോ​ൾ‌ എ​ത്ര പേ​രു​ണ്ടാ​യി​രു​ന്നുവെന്ന് സംഭവത്തെക്കുറിച്ച് അറിയിച്ച ഔദ്യോഗിക വക്താവ് വെളിപ്പെടുത്തി‍യില്ല.

71 പേർക്ക് പരിക്കേറ്റിട്ടിണ്ടെന്നും മരണനിര്ക്ക ഉയരാൻ സാധ്യതയുണ്ടെന്നും പ്രാദേശിക ചാനൽ റിപ്പോർട്ട് ചെയ്യുന്നു. ടാ​ൻ​ഗെ​റം​ഗി​ലെ ജ​യി​ലി​ന് 600 ത​ട​വു​കാ​രെ ഉ​ൾ​ക്കൊ​ള്ളാ​നു​ള്ള ശേ​ഷി​യാ​ണു​ള്ള​ത്. എ​ന്നാ​ൽ ഇ​വി​ടെ 2000 ൽ ​അ​ധി​കം ത​ട​വു​കാ​രെ പാ​ർ​പ്പി​ച്ചി​ട്ടു​ണ്ടെ​ന്നാ​ണ് പുറത്തുവന്ന റിപ്പോർട്ടുകൾ.

തീപിടിത്തത്തിന്‍റെ കാരണം അന്വേഷിച്ചുവരികയാണ്. ഷോർട് സർക്യൂട്ടാണ് അപകടകാരണമെന്നാണ് പ്രാഥമിക നിഗമനം.