ആൻറണി ഫൗസി ദുരന്തം; നിർദേശങ്ങൾ അനുസരിച്ചെങ്കിൽ മരണം അഞ്ചു ലക്ഷമാകുമായിരുന്നുവെന്ന്​ ട്രംപ്​

വാഷിങ്​ടൺ: എൻ.​​െഎ.എ.​െഎ.ഡി ഡയറക്​ടറും കോവിഡ്​ ടാസ്​ക്​ ഫോഴ്​സ്​ തലവനുമായ ഡോ. അന്തോണി ഫൗസിക്കെതിരെ രൂക്ഷ വിമർശനവുമായി പ്രസിഡൻറ്​ ഡൊണാൾഡ്​ ട്രംപ്​. ഫൗസി​യെ ദുരന്തമെന്ന്​ അധിക്ഷേപിച്ച ട്രംപ്, കോവിഡ്​ വ്യാപനം നിയന്ത്രിക്കുന്നതിനുള്ള ഫൗസിയുടെ നിർദേശം മുഴുവനായും അനുസരിച്ചിരുന്നുവെങ്കിൽ അഞ്ചു ലക്ഷത്തോളം മരണം സംഭവിക്കുമായിരുന്നുവെന്നും വിമർശിച്ചു.

റിപ്പബ്ലിക്കൻ, ഡെമോക്രാറ്റിക് പ്രസിഡന്റുമാരുടെ കീഴിൽ സേവനമനുഷ്ഠിച്ച അമേരിക്കയിലെ ഏറ്റവും പ്രശംസ നേടിയ ശാസ്ത്രജ്ഞരിൽ ഒരാളാണ്​ 79 കാരനായ ഡോ. അന്തോണി ഫൗസി. കോവിഡ്​ വ്യാപനം തുടരുമെന്നും അത്​ ഗൗരവമായി കാണണമെന്ന് അദ്ദേഹം പറഞ്ഞിരുന്നു.

"ഫൗസി ഒരു ദുരന്തമാണ്. ഞാൻ അദ്ദേഹത്തി​െൻറ വാക്കുകൾ കേട്ടിരുന്നുവെങ്കിൽ 500,000 മരണം സംഭവിക്കുമായിരുന്നു. ജനങ്ങൾ ഫൗസിയെ പോലുള്ള മണ്ടൻമാരുടെ വാക്കുകൾ കേട്ട്​ മടുത്തിരിക്കുകയാണ്​. ഇവർ പറയുന്നതെല്ലാം തെറ്റാണ്​" ട്രംപ് മാധ്യമപ്രവർത്തകരോട്​ പറഞ്ഞു. കോവിഡിനെതിരായ പ്രവർത്തനങ്ങളിൽ ഫൗസിക്കും ട്രംപിനും എതിർനിലപാടുകളാണുള്ളത്​.

കോവിഡ്​ നിയന്ത്രണങ്ങളിൽ അമേരിക്കക്കാർക്ക് മടുപ്പുണ്ടെന്ന് ട്രംപ് പറഞ്ഞു. കോവിഡ്​ നിലനിൽക്കുന്നുണ്ട്​, എന്തായാലും ഞങ്ങളെ വെറുതെ വിടുക എന്നാണ്​ ജനങ്ങൾ പറയുന്നതെന്നും അദ്ദേഹം കൂട്ടിച്ചേറത്തു. ട്രംപിൻെറ റാലികളിൽ അനുകൂലികൾ മാസ്​ക്​ പോലും ധരിക്കാതെ ഒന്നടങ്കം പ​ങ്കെടുക്കുന്നതിനെ അന്തോണി ഫൗസി പ്രതികരിച്ചിരുന്നു.

യു.എസിൽ വെള്ളിയാഴ്ച 70,450 പുതിയ കോവിഡ്​ കേസുകൾ റിപ്പോർട്ട് ചെയ്യപ്പെട്ടിരുന്നു. ജൂലൈ 24 ന് ശേഷമുള്ള ഏറ്റവും ഉയർന്ന കണക്കാണിത്​. കഴിഞ്ഞ ഒരാഴ്ചയ്ക്കിടെ പ്രതിദിനം ശരാശരി 56,615 കേസുകൾ റിപ്പോർട്ട്​ ചെയ്​തിട്ടുണ്ട്. രണ്ടാഴ്ച മുമ്പത്തെ പ്രതിദിന ശരാശരിയേക്കാൾ 30 ശതമാനം വർദ്ധനവാണ്​ ഉണ്ടായിരിക്കുന്നത്​.