Begin typing your search above and press return to search.
exit_to_app
exit_to_app
Homechevron_rightNewschevron_rightWorldchevron_rightകാത്തിരിപ്പ്​...

കാത്തിരിപ്പ്​ അവസാനിപ്പിക്കാം; ഫേസ്​ബുക്ക്​ ആ പേര്​ പുറത്തുവിട്ടു

text_fields
bookmark_border
കാത്തിരിപ്പ്​ അവസാനിപ്പിക്കാം; ഫേസ്​ബുക്ക്​ ആ പേര്​ പുറത്തുവിട്ടു
cancel

കാലിഫോർണിയ: അഭ്യൂഹങ്ങൾക്ക്​ വിട. ഫേസ്​ബുക്കി​െൻറ പേരു​ മാറ്റില്ല. പകരം, ഫേസ്​ബുക്ക്​​, വാട്​സ്​ആപ്​​, ഇൻസ്​റ്റഗ്രാം, ഒകുലസ്​ എന്നീ സമൂഹ മാധ്യമങ്ങളുടെ അധിപരായ കമ്പനിയുടെ പേരിൽ മാറ്റം വരും. 'മെറ്റ' എന്ന പേരിലാവും കമ്പനി ഇനി അറിയപ്പെടുക. ഫേസ്​ബുക്ക്​​ മേധാവി മാർക്​ സുക്കർബർഗാണ്​ ഇത്​ ഒൗദ്യോഗികമായി അറിയിച്ചത്​.

ഫേസ്​ബുക്ക്​​ ഇൻകോർപറേറ്റ്​ എന്നാണ്​ ഇത്രയും കാലം കമ്പനി അറിയപ്പെട്ടിരുന്നത്​. ഇനി മുതൽ 'മെറ്റ ഇൻകോർപറേറ്റ്​' എന്ന പേരിലായിരിക്കും അറിയപ്പെടുക എന്ന്​ സുക്കർബർഗ്​ വ്യക്തമാക്കി.

ഫേസ്​ബുക്ക്​ കണക്​ട്​ ഓഗ്​മെൻറഡ്​ ആൻഡ്​ വിർച്വൽ റിയാലിറ്റി കോൺഫറൻസിലാണ്​ സി.ഇ.ഒ മാർക്​ സക്കർബർഗ്​ പേരുമാറ്റം അറിയിച്ചത്​. കാലിഫോർണിയയിലെ മെൻലോ പാർക്കിലെ ആസ്​ഥാനത്ത്​ പുതിയ ലോഗോയും അനാഛാദനം ചെയ്​തു. സമൂഹ മാധ്യമത്തിനപ്പുറം വിശാലമായ മെറ്റാവേഴ്​സ്​ മേഖലയിലേക്ക്​ കമ്പനി വ്യാപിപ്പിക്കുന്നതി​െൻറ ഭാഗമായാണ്​ പേരുമാറ്റം.

അടുത്തിടെ ഏഴു മണിക്കൂറിലേറെ ഫേസ്​ബുക്കും വാട്​സ്​ആപ്പും അനുബന്ധ സമൂഹ മാധ്യമങ്ങളും നിശ്ചലമായിരുന്നു. ഇതേതുടർന്ന്​ നടന്ന ചർച്ചകളിൽ ഫേസ്​ബുക്കി​െൻറ പേരു​ മാറ്റാൻ പോകുന്നുവെന്ന പ്രചാരണമുണ്ടായിരുന്നു. എന്നാൽ, പേരുമാറ്റം ലോകത്തിലെ ഏറ്റവും വലിയ സമൂഹ മാധ്യമ പ്ലാറ്റ്​ഫോമി​ലല്ല, കമ്പനിയിലാണെന്ന്​ വ്യക്തമാക്കിയിരിക്കുകയാണ്​ സുക്കർബർഗ്​. ആപ്പുകളിലും ബ്രാൻഡുകളിലും മാറ്റമില്ലെന്നും പുതിയ വെർച്വൽ ലോകം കെട്ടിപ്പടുക്കുകയാണ്​ ലക്ഷ്യമെന്നും അദ്ദേഹം പറഞ്ഞു.

ഫേസ്​ബുക്ക്​,​ മെസഞ്ചർ, ഇൻസ്​റ്റഗ്രാം,വാട്​സ്​ ആപ്​, ഒക്യുലസ്​, വർക്​ പ്ലേസ്​, പോർട്ടൽ, നോവി തുടങ്ങിയ എട്ടു സ്​ഥാപനങ്ങൾ ഇനി അതതുപേരിൽ മെറ്റയുടെ കീഴിലായിരിക്കും. ഇനി തുടങ്ങാനിരിക്കുന്ന സ്​ഥാപനങ്ങളും മെറ്റയുടെ ഉടമസ്​ഥതയിലാവും.

സമൂഹ മാധ്യമങ്ങളുടെ ഭാവി മെറ്റാവേഴ്​സിലാണെന്നാണ്​ സക്കർബർഗ്​ കരുതുന്നത്​​. അത്​ മുന്നിൽകണ്ടാണ്​ പേരുമാറ്റം. വെർച്വൽ റിയാലിറ്റി, ഓഗ്​മെൻറഡ്​ റിയാലിറ്റി സാ​ങ്കേതികവിദ്യകളിൽ കമ്പനി വലിയ നിക്ഷേപമാണ്​ നടത്തുന്നത്​. അതേ സമയം, അടുത്തിടെ ഉയർന്ന വിവാദങ്ങളിൽ നിന്ന്​ മുഖംരക്ഷിക്കാനാണ്​ ഫേസ്​ബുക്ക്​ പേരുമാറ്റിയതെന്നാണ്​ വിമർശകരുടെ അഭിപ്രായം. ഫേസ്​ബുക്കിനെതിരെ മുൻ ജീവനക്കാർ നടത്തിയ ആരോപണങ്ങൾ വിവാദങ്ങൾക്ക്​ വഴിവെച്ചിരുന്നു.

Show Full Article
TAGS:Facebook 
News Summary - facebook declares that name
Next Story