ജർമനിയിലും അയൽരാജ്യങ്ങളിലും പ്രളയപ്പാച്ചിൽ; അമേരിക്കയെ പൊള്ളിച്ച്​ ഉഷ്​ണതരംഗം- കാലാവസ്​ഥ വ്യതിയാനം പടിഞ്ഞാറിന്‍റെ ജീവനെടുക്കുന്നു

വാഷിങ്​ടൺ: ജർമനിയും ബെൽജിയവും സമീപ കാലത്തെ ഏറ്റവും വലിയ പ്രളയത്തിൽ മുങ്ങി മരണവുമായി മുഖാമുഖം നിൽക്കുന്നു. സ്വിറ്റ്​സർലൻഡ്​, ലക്​സംബർഗ്​ തുടങ്ങിയ അയൽരാജ്യങ്ങളിലും കനത്ത മഴ ഭീതി വിതക്കുന്നു. അകലെ കാനഡയുൾ​െപടെ വടക്കേ അമേരിക്കൻ ഭൂഖണ്​ഡമാക​ട്ടെ, കടുത്ത ചൂടിൽ വെന്തുരുകി മരണസംഖ്യ ഉയരുന്നു. കോവിഡ്​ മഹാഭീതിയായി വേട്ടയാടു​ന്നതിനിടെ പടിഞ്ഞാറൻ രാജ്യങ്ങളെ ശരിക്കും മുൾമുനയിലാക്കി ദുരന്തം വന്നുവിളിക്കു​േമ്പാൾ പ്രതിസന്ധിയുടെ നടുക്കയത്തിൽ ഭരണകൂടങ്ങൾ.

കടുത്ത ശൈത്യം മാത്രം പരിചയിച്ച യു.എസിന്‍റെ വടക്കു കിഴക്കൻ മേഖലയിൽ അടുത്തിടെ അത്യുഷ്​ണത്തിന്​ ഇരയായി മരിച്ചത്​​ നൂറുകണക്കിന്​ പേർ. കാനഡയിൽ ചൂടിൽ വെന്ത്​ തീപിടിച്ചപ്പോൾ ഒരു ഗ്രാമം പൂർണമായി തുടച്ചുനീക്കപ്പെട്ടു. അങ്ങ്​ ദൂരെ മോസ്​കോയിലും അത്യൂഷ്​ണം ഭീതി വിതക്കുന്നു. നേർവിപരീതമാണ്​ യൂറോപിലെ ജർമനിയിലും നെതർലൻഡ്​സിലും. ഒരു പട്ടണത്തിൽ 1300 പേർ മലവെള്ളപ്പാച്ചിലിൽ ഒലിച്ചുപോയപ്പോൾ ഇതുവരെയും കണ്ടെത്താനായത്​ 100 ലേറെ ​മൃതദേഹങ്ങൾ. സമീപ പ്രദേശങ്ങളിലും ആൾനാശം ശക്​തം. ​​

യൂറോപിലും ഉത്തര അമേരിക്കയിലും അപ്രതീക്ഷിതമായി എത്തിയ കാലാവസ്​ഥ മാറ്റമാണ്​ ശരിക്കും ഞെട്ടലാകുന്നത്​. ശാസ്​ത്രവും ചരിത്രവും തിരുത്തി, പ്രവചനങ്ങൾ തെറ്റിച്ചാണ്​ ചൂടും മഴയും അതിതീവ്രമായി എത്തിയത്​. സർക്കാറുകൾ മുൻകരുതൽ സ്വീകരിക്കാത്തത്​ മരണനിരക്ക്​ ഉയർത്തി. പ്രളയം ഇപ്പോഴും തുടരുന്ന ജർമനിയിൽ മരണസംഖ്യ ഇനിയും ഉയരുമെന്നാണ്​ മുന്നറിയിപ്പ്​.

കൽക്കരിയും എണ്ണയും പ്രകൃതി വാതകവും സമൃദ്ധമായി കത്തിച്ച്​ വ്യവസായങ്ങൾ നടത്തുകയും വാഹനം ഓടിക്കുകയും​ ചെയ്യുന്നത്​ ആഘോഷമാക്കുന്നതിനി​െട എത്തിയ ദുരന്തം ഇനിയും കാർബൺ വികിരണം കുറച്ചില്ലെങ്കിൽ നഷ്​ടക്കണക്ക്​ ഉയർത്തുമെന്ന മുന്നറിയിപ്പ്​ നൽകുന്നു. വ്യവസായം ഏറെ മുന്നിൽ നിൽക്കുന്ന സമ്പന്ന രാജ്യങ്ങളെയാണ്​ ഇത്തവണ പ്രളയവും ചൂടും ശരിക്കും വലച്ചത്​. നവംബറിൽ ഗ്ലാസ്​ഗോയിൽ യു.എൻ പരിസ്​ഥിതി ഉച്ചകോടി നടക്കാനിരിക്കെ ആണ്​ ഈ ദുരിതപ്പെയ്​ത്ത്​ എന്നത്​ ശ്രദ്ധേയം.

ഇതുപക്ഷേ, സമ്പന്ന രാജ്യങ്ങളിലെ മാത്രം സ്​ഥിതിയല്ല. ബംഗ്ലദേശിൽ വിളകൾ സമ്പൂർണമായി നശിച്ചുപോയതും ഹോണ്ടുറാസിൽ നിരവധി ഗ്രാമങ്ങൾ നിരപ്പാക്കപ്പെട്ടതും ഉദാഹരണം. ഫിലിപ്പീൻസിൽ അടിച്ചുവീശിയ ഹയാൻ ചുഴലിക്കൊടുങ്കാറ്റിലും വ്യാപക നാശനഷ്​ടമാണ്​ ഉണ്ടായത്​.

കാർബൺ വിഗിരണം വരുത്തുന്ന മഹാനാശം മുന്നിൽകണ്ട്​ യൂറോപ്യൻ കമീഷൻ അടുത്തിടെ പുതിയ നയരേഖ സമർപിച്ചിരുന്നു. 2035ഓടെ പെട്രോൾ- ഡീസൽ ഇന്ധനത്തിൽ ഓടുന്ന പുതിയ വാഹനങ്ങൾക്ക്​ വിലക്കേർപെടുത്തലുൾപെടെ നിർദേശങ്ങളായിരുന്നു അതിൽ പ്രധാനം. ഓരോ കമ്പനിയും പുറന്തള്ളുന്ന പുകക്ക്​ നിശ്​ചിത തുക നിശ്​ചയിച്ചും കാലാവസ്​ഥ നയം നടപ്പാക്കാത്ത രാജ്യങ്ങളിൽനിന്ന്​ ഇറക്കുമതിക്ക്​ നിയന്ത്രണമേർപെടുത്തിയുമുള്ളതാണ്​ മറ്റു വ്യവസ്​ഥകൾ. ഇവ പക്ഷേ, എത്രകണ്ട്​ നടപ്പാക്കപ്പെടുമെന്നതാണ്​ പ്രശ്​നം. വ്യവസായ സ്​ഥാപനങ്ങൾ ഇവക്കെതിരെ കടുത്ത വിമർശനം ഉയർത്തിക്കഴിഞ്ഞു. ​

1880നു ശേഷം അന്തരീക്ഷ മർദത്തിൽ ഒരു ഡിഗ്രി കൂടിയതായാണ്​ കണക്ക്​. വ്യവസായ യുഗം ആരംഭിച്ച ശേഷം 1.5 ഡിഗ്രിയും.