You are here

ഇത്​ വെറുമൊരു വൈറസാണെന്നാണോ കരുതുന്നത്; കോവിഡ്​ ബാധിച്ച്​ മകളെ നഷ്​ടപ്പെട്ട അമ്മക്ക്​ പറയാനുള്ളത്​

18:33 PM
25/03/2020
chloe

ലണ്ടൻ: ‘ആരോഗ്യ പ്രശ്​നങ്ങൾ ഒന്നും തന്നെയുണ്ടായിരുന്നില്ല എൻെറ മകൾക്ക്​. അവൾ ചുറുചുറുക്കമുള്ള പെൺകുട്ടിയായിരുന്നു’. ബ്രിട്ടനിലെ ഏറ്റവും പ്രായം കുറഞ്ഞ കോവിഡ്​ 19 ഇര ക്ലോയി മിഡിൽട്ടണിൻെറ (21) അമ്മയുടെ വാക്കുകളാണിത്​. ഫേസ്​ബുക്കിലാണ്​ അവർ തൻെറ വേദനിപ്പിക്കുന്ന അനുഭവം പങ്കുവെച്ചത്​.

മകൾ നഷ്​ടപ്പെട്ട അതീവ ദുഃഖത്തിൻെറ ഇടയിലും ആ അമ്മ ജനങ്ങളോട്​ പറയുന്നത്​ -എൻെറ കുടുംബത്തിനുണ്ടായ ഈ ആഘാതം കോവിഡ്​ 19 എന്ന  മഹാമാരി ഗൗരവത്തിലെടുക്കാനുള്ള ഒരു തിരിച്ചറിവാകണമെന്നാണ്​​. ‘ഇത്​ വെറുമൊരു വൈറസാണെന്ന്​ കരുതുന്നവർ ഒന്നു കൂടി ചിന്തിച്ച്​ നോക്കണം. വ്യക്​തിപരമായ അനുഭവത്തിൻെറ വെളിച്ചത്തിൽ പറയുകയാണ്​. എൻെറ 21 വയസുകാരിയായ മകളുടെ ജീവൻ നിങ്ങൾ പറയുന്ന ആ വൈറസ്​ എടുത്തു. - ക്ലോയിയുടെ മാതാവ്​ ഡിയാൻ മിഡിൽട്ടൺ പറഞ്ഞു.

സുന്ദരിയും നല്ല ഹൃദയത്തിനുടമയുമായ ക്ലോയി ആരോഗ്യ പ്രശ്​നങ്ങളേതുമില്ലാതിരുന്നിട്ടും കോവിഡ്​ 19 വൈറസ്​ ബാധയേറ്റ്​ ഞങ്ങളെ വിട്ടുപോയി. നിങ്ങൾക്ക്​ സങ്കൽപിക്കാനാവാത്ത വേദനയിലൂടെയാണ്​ ഞങ്ങളുടെ കുടുംബം കടന്നുപോകുന്നത്​. കൊറോണ വൈറസിൻെറ​ യഥാർഥ്യം ഇപ്പോൾ ഞങ്ങൾക്ക്​ ബോധ്യമായി. ദയവ്​ ചെയ്​ത്​ നിങ്ങൾ സർക്കാരിൻെറ നിർദേശങ്ങൾ പാലിക്കുക. മുൻകരുതലെടുക്കുക. നിങ്ങളെയും മറ്റുള്ളവരെയും രക്ഷിക്കാൻ നിങ്ങളാൽ കഴിയുന്നത്​ ചെയ്യൂ.. 

വൈറസ്​ സ്വയം പടരുന്നില്ല.... ജനങ്ങളാണ്​ അത്​ പടർത്തുന്നത്​..... ക്ലോയിയുടെ മാതൃസഹോദരി സമൂഹ മാധ്യമത്തിൽ കുറിച്ചു. വൈറസ്​ പടരുന്നത്​ തടയാൻ വീട്ടിനകത്ത്​ ഇരുന്ന്​ അധികൃതരോട്​ സഹകരിക്കണമെന്നാണ്​ ബക്കിങ്​ഹാംഷെയറിലെ ഹൈ വികമ്പിലുള്ള ക്ലോയി മിഡിൽട്ടണിൻെറ കുടംബത്തിന്​ ജനങ്ങളോട്​ പറയാനുള്ളത്​.

കോവിഡ്​ 19 ബാധിച്ച്​ യു.കെയിൽ ഇതുവരെ 422 പേരാണ്​ മരിച്ചത്​. 8,000ത്തിലധികം ആളുകൾക്ക്​ രോഗം സ്ഥിരീകരിച്ചതായും റിപ്പോർട്ടുകളുണ്ട്​. എന്നാൽ ഒരു ലക്ഷത്തിലധികം പേർക്ക്​ രോഗബാധയുള്ളതായി അനൗദ്യോഗിക റിപ്പോർട്ടുകളുമുണ്ട്​.

LATEST VIDEO

Loading...
COMMENTS