ലോകാരോഗ്യ സംഘടനയിലെ രണ്ട്​ ജീവനക്കാർക്ക്​ കോവിഡ്​ 19

ജനീവ: ലോകാരോഗ്യ സംഘടനയിലെ രണ്ട്​ ജീവനക്കാർക്ക്​ കോവിഡ്​ 19 സ്ഥിരീകരിച്ചു. ഇതാദ്യമായാണ്​ ലോകാരോഗ്യ സംഘട നയിലെ ജീവനക്കാർക്ക്​ കോവിഡ്​ 19 സ്ഥിരീകരിക്കുന്നത്​. കോവിഡ്​ 19 പ്രതിരോധ പ്രവർത്തനങ്ങളിൽ ഏർപ്പെട്ടവർക്കാണോ രോഗബാധയേ​റ്റതെന്ന്​ സംഘടന വ്യക്​തമാക്കിയിട്ടില്ല.

കഴിഞ്ഞയാഴ്​ച യു.എന്നിലെ ജീവനക്കാർക്ക്​ കോവിഡ്​ 19 സ്ഥിരീകരിച്ചിരുന്നു. ലോക വ്യാപാര സംഘടനയിലെ ജീവനക്കാരനും വൈറസ്​ ബാധ ഏറ്റിരുന്നു.

വീട്ടിൽ നിരീക്ഷണത്തിലിരുന്ന ജീവനക്കാർക്കാണ്​ കോവിഡ്​ 19 സ്ഥിരീകരിച്ചതെന്ന്​ ലോകാരോഗ്യ സംഘടന വ്യക്​തമാക്കിയിട്ടുണ്ട്​. സംഘടനാ വക്​താവ്​ ക്രിസ്​ത്യൻ ലിൻമെയറാണ്​ ഇക്കാര്യം അറിയിച്ചത്​.