ബാഴ്​സലോണയിൽ ഭീകരാക്രമണം; 13 ​പേർ കൊല്ലപ്പെട്ടു

ബാഴ്​സലോണ​: സ്​പെയിനി​െല ബാഴ്​സലോണയിൽ ഭീകരാക്രമണം. തീവ്രവാദികൾ ജനക്കൂട്ടത്തിലേക്ക്​ വാൻ ഇടിച്ചുകയറ്റിയതിനെ തുടർന്ന്​ 13 പേർ കൊല്ലപ്പെട്ടു. 20ലേറെ പേർക്ക്​ പരിക്കേറ്റു.  പ്രധാന വിനോദസഞ്ചാരകേന്ദ്രമായ ലാസ്​ റാംബ്ലാസിലാണ്​ സംഭവം. ഇസ്​ലാമിക്​ സ്​റ്റേറ്റ്​ ആക്രമണത്തി​​​​​െൻറ ഉത്തരവാദിത്വം ഏറ്റെടുത്തു.

തിരക്കേറിയ തെരുവിലൂടെ നടന്നുപോവുകയായിരുന്നവർക്കിടയിലേക്കാണ്​ വാൻ ഇടിച്ചുകയറ്റിയതെന്ന്​ ദൃക്​സാക്ഷികൾ പറഞ്ഞു. അപകടത്തിനുശേഷം ഡ്രൈവർ രക്ഷപ്പെട്ടു. ഇയാളെ പിന്നീട്​ പൊലീസ്​ വധിച്ചതായും റിപ്പോർട്ടുകളുണ്ട്​. ആയുധധാരികളായ രണ്ടുപേരെ സ്​ഥലത്ത്​ കണ്ടതായി ദൃക്​സാക്ഷികൾ അറിയിച്ചു​.

വാനിലുണ്ടായിരുന്ന ഒരാളെ സമീപത്തെ ബാറിൽ തടഞ്ഞുവെച്ചതായി പറയുന്നു. ആക്രമണത്തെതുടർന്ന്​ സ്​ഥലത്തെ ​െ​മട്രോ, റോഡ്​ ഗതാഗതം നിർത്തിവെച്ചു.

അതേസമയം, രണ്ടാമതൊരു ആക്രമണത്തിനു തയറാറെടുത്തിരുന്ന നാലംഗ സംഘത്തെ വെടിവച്ചുകൊന്നതായി സ്പാനിഷ് പൊലീസ് അറിയിച്ചു. കാംബ്രിൽസ് എന്ന സ്ഥലത്ത് വീണ്ടും ഭീകരാക്രമണം നടത്താനൊരുങ്ങുകയായിരുന്നു സംഘമെന്നാണ് പൊലീസ് നൽകുന്ന വിവരം. കാംബ്രിൽസ് തുറമുഖത്തും വെടിയൊച്ച കേട്ടതായി റിപ്പോർട്ടുണ്ട്.