Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightWorldchevron_rightകോവിഡ്​ മഹാമാരി:...

കോവിഡ്​ മഹാമാരി: ചർച്ച​ ഒരുക്കി യു.എൻ സുരക്ഷാസമിതി

text_fields
bookmark_border
കോവിഡ്​ മഹാമാരി: ചർച്ച​ ഒരുക്കി യു.എൻ സുരക്ഷാസമിതി
cancel

ജനീവ: ലോക രാജ്യങ്ങളില്ലൊം കോവിഡ്​ പടർന്നു പിടിച്ചതോടെ സ്ഥിതിഗതികൾ ചർച്ച ചെയ്യുന്നതിനായ ഐക്യരാഷ്ട്രസഭ ( യു.എൻ) സുരക്ഷാ സമിതി യോഗം വിളിച്ചു. സുരക്ഷാ മാനദണ്ഡങ്ങൾ പാലിച്ച്​ അടച്ചിട്ട മുറിയിൽ ഇന്ന്​ ഉച്ചക്ക് ശേഷമാണ്​ വ ീഡിയോ -ടെലികോൺഫറൻസിങ്​ വഴി​ യോഗം നടക്കുക. കോവിഡ്​ വ്യാപനം മൂലം മാർച്ച്​ 12 മുതൽ സുരക്ഷാ സമിതി യോഗങ്ങൾ വെട്ടികുറക്കുകയും മറ്റുള്ളവ വീഡിയോ കോൺഫറൻസ്​ വഴി നടത്തുകയുമാണ്​ ചെയ്യുന്നത്​.

ആഗോളതലത്തിൽ 88,500 ൽ അധികം ആളുകൾ കൊല്ലപ്പെടുകയും 1.5 ദശലക്ഷത്തിലധികം ആളുകളെ കോവിഡ്​ ബാധിക്കുകയും ചെയ്ത സാഹചര്യത്തിലാണ്​ മഹാമാരിയെക്കുറിച്ച് യു.എൻ ആദ്യമായി ഉന്നതതല യോഗം നടത്തുന്നത്​.

കഴിഞ്ഞയാഴ്ച, ചൈനയും അമേരിക്കയും ഉൾപ്പെടെ, അംഗത്വമുള്ള ഒമ്പത് രാജ്യങ്ങളും കോവിഡ്​ മഹാമാരി സംബന്ധിച്ച്​ സുരക്ഷാ സമിതി ചർച്ച നടത്തണമെന്ന്​ സെക്രട്ടറി ജനറൽ അൻറണിയോ ഗുട്ടെറസിനോട്​ ഔദ്യോഗികമായി അഭ്യർഥിച്ചിരുന്നു. സ്ഥിരാംഗത്വമുള്ള അഞ്ചു രാജ്യങ്ങളെയെങ്കിലും ഉൾപ്പെടുത്തി ചർച്ച നടത്തണമെന്ന്​ ഫ്രാൻസും ആവശ്യപ്പെട്ടിരുന്നു.

കോവിഡിനെതിരായ പോരാട്ടത്തിൽ അന്താരാഷ്ട്ര സഹകരണം, ബഹുരാഷ്ട്ര വാദം, എന്നിവ മുന്നോട്ടുവെക്കുന്ന പ്രമേയം കഴിഞ്ഞയാഴ്ച യു.എൻ പൊതുസഭ അംഗീകരിച്ചിരുന്നു.

Show Full Article
TAGS:covid UN us world news 
Web Title - UN Security Council expected to hold first coronavirus talks Thursday- World news
Next Story