You are here

നോട്ടർ ഡാം ആക്രമണശ്രമം: രണ്ട്​ വനിത തീവ്രവാദികൾക്ക്​ ശിക്ഷ

11:26 AM
15/10/2019

പാരീസ്​: ഫ്രാൻസിലെ പ്രശസ്​തമായ നോട്ടർ ഡാം കതീഡ്രലില്‍ ആക്രമണത്തിന്​ പദ്ധതിയിട്ട രണ്ട്​ വനിത തീവ്രവാദികൾക്ക്​ ശിക്ഷ വിധിച്ചു. 2016 നവംബർ നാലിന്​ നഗരഹൃദയത്തിലുള്ള കത്രീഡലിൽ  തീവ്രവാദി ആക്രമണത്തിന് പദ്ധതിയിട്ടെന്ന് ആരോപിച്ച് അറസ്​റ്റിലായ ഇൗനെസ്​ മദനി(22), ഓർനെല്ല ഗില്ലിഗ്​മാൻ (42) എന്നിവർക്കാണ്​ ശിക്ഷ വിധിച്ചത്​. 

ഫ്രാൻസി​​െൻറ ചരിത്രത്തിൽ  ഇതാദ്യമായാണ്​ വനിത തീവ്രവാദികൾക്ക്​ ശിക്ഷ ലഭിക്കുന്നത്​. ​ഈനെസിന്​ 30 വർഷത്തെ തടവും  ഓർസെല്ലക്ക്​ 25 വർഷത്തെ തടവുമാണ്​ വിധിച്ചത്​. 

ഇസ്​ലാമിക്​ സ്​റ്റേറ്റി​​െൻറ ആശയങ്ങളിലൂന്നി പ്രവർത്തിക്കുന്ന റാഷിദ്​ കാസിമി​​െൻറ നിർദേശപ്രകാരം കത്രിഡലിൽ ഭീകരാക്രമണത്തിന്​ പദ്ധതിയിട്ടുവെന്നാണ്​ ഇവർക്കെതിരായ കേസ്​. അഞ്ചംഗ വനിത തീവ്രവാദികളാണ്​ സംഘത്തിലുണ്ടായിരുന്നത്​. നോട്ടര്‍ ഡാം കതീഡ്രലില്‍ ഗ്യാസ് സിലിണ്ടറുകളുമായി എത്തിച്ച്​ കാർ കത്തിക്കുക എന്നതായിരുന്നു ഇവരുടെ ദൗത്യം. എന്നാൽ സംശയാസ്​ദമായ രീതിയിൽ കണ്ടെത്തിയ കാർ പൊലീസ്​ കസ്​റ്റഡിയിലെടുക്കുകയായിരുന്നു. 

പൊലീസ്​ എത്തിയതോടെ സംഘത്തിലുണ്ടായിരുന്നവർ വെടിയുതിർത്തു. വെടിവെപ്പിൽ ഈനെല്ല മദനിക്ക്​ കാലിൽ പരിക്കേറ്റിരുന്നു. 

അറസ്​റ്റിലായ സാറാ ഹേർവെറ്റ്​, അമൽ സാകോവ്​,  സാമിയ ചലേൽ എന്നിവരെ നേരത്തെ ശിക്ഷിച്ചിരുന്നു. സാറാ ഹേർവെറ്റ്​, അമൽ സാകോവ്​ എന്നിവർക്ക്​ 20 വർഷത്തെ തടവും ഈനെല്ല മദനിയെ സഹായിച്ചുവെന്ന കുറ്റത്തിന്​ സാമിയ ചലേലിന്​ അഞ്ചു വർഷം തടവുമാണ്​ വിധിച്ചത്​. 

Loading...
COMMENTS