ബ്രിട്ടന്​ സുരക്ഷാകിറ്റുകളുമായി തുർക്കിയിൽനിന്ന്​ വിമാനമെത്തി

ലണ്ടൻ: ഒടുവിൽ തുർക്കിയിൽനിന്ന്​ ആ വിമാനമെത്തി. ബ്രിട്ട​നിൽ കോവിഡ്​ പ്രതിരോധത്തിന്​ കൈത്താങ്ങാകാൻ സുരക്ഷാ കിറ്റുകളുമായി ഞായറാഴ്​ച എത്തേണ്ട വിമാനമാണ്​ മൂന്നുദിവസം വൈകി ബുധനാഴ്​ച ലാൻഡ്​ ചെയ്​തത്​.

കുറഞ്ഞത് 4,00,000 ശസ ്ത്രക്രിയാ ഗൗണുകളും സുരക്ഷാ ഉപകരണങ്ങളും (പിപിഇ) വഹിച്ചുള്ള ബ്രിട്ടീഷ് റോയൽ എയർഫോഴ്‌സ് വിമാനം ബുധനാഴ്ച പുലർച് ചെ ഓക്സ്ഫോർഡ്ഷയറിലെ ബ്രൈസ് നോർട്ടൺ എയർ ബേസിലാണ്​ ഇറങ്ങിയത്​. ചരക്കുകൾ ഉടൻ തന്നെ ട്രക്കുകളിലേക്ക്​ മാറ്റി. തുർക്കിയിലെ സ്വകാര്യ വിതരണ കമ്പനിയുടെ വീഴ്​ചയാണ്​ കാലതാമസത്തിനിടയാക്കിയ​തെന്ന്​ യു.കെയിലെ തുർക്കി അംബാസഡർ ഉമുത് യാൽസിൻ പറഞ്ഞു.

യു.കെയുടെ അടിയന്തിര ആവശ്യങ്ങൾ പരിഹരിക്കാൻ തുർക്കി ഒപ്പമുണ്ടാകും. കഴിഞ്ഞയാഴ്ച 2,50,000 സുരക്ഷാ കിറ്റുകൾ ബ്രിട്ടന്​ സംഭാവന ചെയ്തിരുന്നു. വാണിജ്യ പ്രശ്‌നം പരിഹരിക്കാൻ യു.കെ അധികൃതരെ തുർക്കി സഹായിക്കും -അവർ പറഞ്ഞു.

അതിനിടെ, ആരോഗ്യമേഖലയിലുള്ളവർക്ക്​ ആവശ്യത്തിന്​ പി.പി.ഇ വിതരണം ചെയ്യുന്നതിൽ ബ്രിട്ടീഷ്​ സർക്കാർ പരാജയപ്പെടുന്നതായി വിമർശനം ഉയർന്നിരുന്നു. സുരക്ഷാ വസ്​ത്രങ്ങൾ ലഭിക്കാത്ത സാഹചര്യത്തിൽ രോഗവ്യാപനം തടയാൻ ജോലി ഒഴിവാക്കണമെന്ന്​ ട്രേഡ് യൂനിയനുകൾ അംഗങ്ങളോട് ആവശ്യപ്പെട്ടു. പി.പി.ഇ ലഭ്യമാക്കാത്തത്​ ‘ദേശീയ അഴിമതിയാണെന്ന്​’ തൊഴിലാളി സംഘടനകൾ ആരോപിച്ചു.

കോവിഡ്​ ബാധിച്ച്​ ആരോഗ്യമേഖലയിലെ 69 പേർ ഇതിനകം മരിച്ചതായി വിദേശകാര്യ സെക്രട്ടറി ഡൊമിനിക് റാബ് ബുധനാഴ്ച പറഞ്ഞു. 1,33,49 പേർക്കാണ്​ യു.കെയിൽ ഇതുവരെ കോവിഡ്​ സ്​ഥിരീകരിച്ചത്​. ഇതിൽ 18,100 പേർ മരണപ്പെട്ടു.