ഫാമിൽ കടുവയെന്ന്​ കൃഷിക്കാരൻ; സർവ്വ സന്നാഹവുമായെത്തിയ പൊലീസ്​ കണ്ടത്​

ഇന്ന്​ പുലർച്ചെ സ്​കോട്ട്​ലൻറിലെ വടക്ക്​ കിഴക്കൻ പൊലീസ്​ സ്​റ്റേഷനിൽ ഒരു ​ഫോൺകോൾ വന്നു. പരിഭ്രാന്തനായ ഒരു മധ്യവയസ്​കനായിരുന്നു മറുവ​ശത്ത്​. പശുവും മറ്റ്​ വളർത്ത്​ മൃഗങ്ങളുമടങ്ങിയ ത​​​െൻറ ഫാമിൽ ഒരു വലിയ കടുവ കയറിക്കൂടിയിരിക്കുന്നു. എങ്ങനെയെങ്കിലും ആ ഭീകര വന്യമൃത്തിൽ നിന്നും തന്നെ രക്ഷിക്കണമെന്നും അപേക്ഷിച്ച്​ കൊണ്ടായിരുന്നു ആ കോൾ.

ഫാമി​​​െൻറ ഒരു വശത്തായി രാജാവിനെ പോലെ ഇരിക്കുന്ന കടുവയുടെ ചിത്രങ്ങളും കൃഷിക്കാരൻ കൺട്രോൾ റൂമിലേക്ക്​ അയച്ച്​കൊടുത്തിരുന്നു. ഇത്തരം കാര്യങ്ങളിൽ ‘അതിവിദഗ്​ധനായ’ ഒരു പൊലീസുകാരൻ ചിത്രത്തിലുള്ളത് ഒറിജിനൽ​ കടുവ തന്നെയെന്ന്​ ഉറപ്പിക്കുക കൂടി ചെയ്​തതോടെ പൊലീസ്​ നായകളടക്കമുള്ള സർവസന്നാഹവും സംഭരിച്ച്​ കൃഷിക്കാര​​​െൻറ ഫാം ലക്ഷ്യമാക്കി നീങ്ങി.

പോകുന്നതിന്​ മുമ്പായി അടുത്തുള്ള മൃഗശാലയിൽ വിളിച്ച്​ അവിടെ നിന്നും ഏതെങ്കിലും കടുവ ചാടിപ്പോയിട്ടുണ്ടോ എന്ന്​ പരിശോധിക്കാനും നിർദേശിച്ചിരുന്നു. കടുവയുടെ ഇരുത്തവും ഭാവവുമൊക്കെ ശക്​തമായി പരിശോധിച്ച്​ അത്താഴം നന്നായി കഴിച്ചതി​​​െൻറ ലക്ഷണമു​ണ്ടെന്നും ‘വിദഗ്​ധർ’ അഭിപ്രായപ്പെട്ടിരുന്നു.

45 മിനിറ്റ്​ നീണ്ട സാഹസികമായ നിൽപിന്​ ശേഷം പൊലീസിലെ മറ്റൊരു ‘അതിവിദഗ്​ധൻ’ ഫാമിൽ കയറിക്കൂടിയ കടുവ കാട്ടിലെ കടുവ​യല്ലെന്നും അത്​ ഏ​തോ ഒരു വിരുതൻ കൊണ്ട്​ ​വെച്ച കടുവയുടെ വലിയ പ്രതിമയാണെന്നും കണ്ടെത്തിയതോടെ പൊലീസിനും കൃഷിക്കാരനും ശ്വാസം വീഴുകയായിരുന്നു.

യു.കെ കോപ്​ ഹ്യൂമർ എന്ന ഫേസ്​ബുക്ക്​ പേജിലാണ്​ കടുവയുടെ കളിപ്പാട്ടം വരുത്തിയ വിന പോസ്​റ്റ്​ ചെയ്​തത്​. കമൻറ്​ സെക്ഷനിൽ ചിരിപടർത്തിയ പൊലീസി​​​െൻറ അമളി 1000 ലധികം പേരാണ്​ ഷെയർ ചെയ്​തത്​.

കൃഷിക്കാരൻ പറ്റിക്കാൻ വിളിച്ചതാവും എന്ന്​ കരുതിയവർക്ക്​ മറുപടിയായി അത്​ സത്യസന്ധമായ ഫോൺ കോൾ ആയിരുന്നുവെന്നാണ്​ പൊലീസ്​ പറഞ്ഞത്​. ഫാമിൽ കൊണ്ടു വെച്ച കടുവ ഒറിജിനൽ തോറ്റുപോകുന്നതായത്​ കൊണ്ട്​ പൊലീസും കൃഷിക്കാരനും മറ്റാരുടെയോ ഇരയായി മാറുകയായിരുന്നു.