നോർവെയിൽ മൂന്ന്​ സ്​ത്രീകൾക്ക്​ കുത്തേറ്റു; ഒരാൾ അറസ്​റ്റിൽ

സാർപ്​സ്​​ബർഗ്​: നോർവെയിൽ മൂന്ന്​ സ്​ത്രീകൾക്ക്​ കുത്തേറ്റു. നഗരത്തിലെ വിവിധ ഭാഗങ്ങളിൽ വെച്ചാണ്​ സ്​ത്രീകൾക്ക്​ നേരെ ആക്രമണമുണ്ടായത്​. 

നോർവെ തലസ്ഥാനമായ ഓസ്​ലോയിൽ നിന്ന്​ 70 കിലോമീറ്റർ തെക്ക്​ മാറി സാർപ്​സ്​ബർഗ്​ നഗരത്തിലാണ്​ സംഭവം. രണ്ടു പേരു​ടെ പരിക്ക്​ ഗുരുതരമാണ്​. ഒരാൾക്ക്​ കൈക്കാണ്​ പരിക്കേറ്റത്​.

സംഭവവുമായി ബന്ധപ്പെട്ട്​ ഒരാൾ അറസ്​റ്റിലായതായി പൊലീസ്​ പറഞ്ഞു. എന്നാൽ ആക്രമണത്തിൽ കൂടുതൽ പേർക്ക്​ പങ്കുണ്ടോ, എന്താണ്​ ആക്രമണ കാരണം എന്നീ കാര്യങ്ങൾ വ്യക്തമല്ല.