Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_right1,45,59,65,00,000...

1,45,59,65,00,000 ​രൂപ...! കോവിഡിൽ പകച്ച വികസ്വര രാജ്യങ്ങൾക്ക്​ സ്​പെയ്​നി​െൻറ സഹായം

text_fields
bookmark_border
1,45,59,65,00,000 ​രൂപ...! കോവിഡിൽ പകച്ച വികസ്വര രാജ്യങ്ങൾക്ക്​ സ്​പെയ്​നി​െൻറ സഹായം
cancel

മഡ്രിഡ്​: കോവിഡ്​ മഹാമാരി രൂക്ഷമായി ബാധിച്ചിട്ടും മറ്റുള്ളവർക്ക്​ സഹായ വാഗ്​ദാനവുമായി വികസിത രാജ്യങ്ങൾക്ക്​ മാതൃകയാവുകയാണ്​ സ്​പെയ്​ൻ. കോവിഡ്​ പ്രതിസന്ധിയിൽ സാമ്പത്തിക രംഗം തകർന്ന വികസ്വര രാജ്യങ്ങൾക്കാണ്​ സ്​പെയ്​ൻ സഹായം നൽകുന്നത്​.

1.7 ബില്ല്യൺ യൂറോയാണ് ​(ഏകദേശം 14559 കോടി രൂപ) സ്​പെയ്​ൻ രോഗത്തെ നേരിടാനും സാമ്പത്തിക തിരിച്ചുവരവിനുമായി വികസ്വര രാജ്യങ്ങൾക്ക്​ നൽകുന്നത്​. വിദേശകാര്യ മന്ത്രി അരാൻച ഗോൺസാലസ്​ ലയയാണ്​ ചൊവ്വാഴ്​ച​ സഹായം പ്രഖ്യാപിച്ചത്​. ​അടിയന്തര സാഹായം ഏതൊക്കെ രാജ്യങ്ങൾക്കാണ്​ നൽകുകയെന്ന്​ ഉടൻ പ്രഖ്യാപിക്കും. കോവിഡ്​ ചികിത്സ ഉപകരണങ്ങൾക്കും
ആരോഗ്യ മേഖല ശക്​തിപ്പെടുത്താനുമായിരിക്കും പ്രധാനമായും തുക അനുവദിക്കുക. 

വികസിത രാജ്യങ്ങളോട്​ സഹായം അഭ്യർഥിച്ച്​ വൻ പ്രതിസന്ധി നേരിടുന്ന നിരവധി രാജ്യങ്ങൾ രംഗത്തെത്തിയിട്ടുണ്ട്​. അവികസിത, വികസ്വര രാജ്യങ്ങളെ കോവിഡ്​ പ്രതിസന്ധിയിൽ സഹായിക്കാൻ യു.എന്നും നേരത്തെ ആഹ്വാനം ചെയ്​തിരുന്നു.

യൂറോപ്പിൽ കൂടുതൽ കോവിഡ്​ മരങ്ങൾ റിപ്പോർട്ട്​ ചെയ്​ത രാജ്യങ്ങളിലൊന്നാണ്​ സ്​പെയ്​ൻ. 3,11,916 പേരെ ബാധിച്ച കോവിഡ്​ മഹാമാരി, 28,422 പേരുടെ മരണത്തിനിടയാക്കുകയും ചെയ്​തു. മാർച്ചിൽ അടിയന്തരാവസ്​ഥ പ്രഖ്യാപിച്ച്​ കൃത്യമായ ആസൂത്രണത്തിനൊടുവിലാണ്​ സ്​പെയ്​ൻ കോവിഡിനെ പിടിച്ചുകെട്ടിയത്​. നാലു കോടിയോളം മാത്രം ജനസംഖ്യയുള്ള സ്​പെയ്​ൻ ഇതുവരെ 63 ലക്ഷത്തോളം കോവിഡ്​ ടെസ്​റ്റുകൾ നടത്തിക്കഴിഞ്ഞു. 
 

Show Full Article
TAGS:spain india aid covid 
Web Title - Spain to give !.7 billion in covid aid to developing countries
Next Story