കാ​റ്റ​ലോ​ണി​യ​യു​ടെ ഭരണം  സ്​​പെ​യി​ൻ ഏ​റ്റെ​ടു​ത്തു

മ​ഡ്രി​ഡ്​: അ​ർ​ധ​സ്വ​യം​ഭ​ര​ണ​പ്ര​വി​ശ്യ​യാ​യി​രു​ന്ന കാ​റ്റ​ലോ​ണി​യ ഇ​നി സ്​​പാ​നി​ഷ്​ സ​ർ​ക്കാ​റി​​​െൻറ നേ​രി​ട്ടു​ള്ള നി​യ​ന്ത്ര​ണ​ത്തി​ൽ. സ്​​പാ​നി​ഷ്​ ഉ​പ​പ്ര​ധാ​ന​മ​ന്ത്രി സൊ​റാ​യ സ​യേ​ൻ​സ്​ ഡി  ​സാ​ൻ​റാ​മ​റി​യ​ക്കാ​ണ്​ പ്ര​വി​ശ്യ​യു​ടെ ഭ​ര​ണ​ചു​മ​ത​ല. 
അ​തേ​സ​മ​യം, തീ​രു​മാ​നം അം​ഗീ​ക​രി​ക്കി​ല്ലെ​ന്ന്​ കാ​റ്റ​ലോ​ണി​യ അ​റി​യി​ച്ചു. ഉ​ദ്യോ​ഗ​സ്​​ഥ​രോ​ട്​ സ്​​പാ​നി​ഷ്​ സ​ർ​ക്കാ​റി​​െൻറ ഉ​ത്ത​ര​വ്​  അ​നു​സ​രി​ക്കാ​ൻ പാ​ടി​ല്ലെ​ന്ന്​  കാ​റ്റ​ല​ൻ നേതാവ്​ കാ​ർ​ല​സ്​ പു​ജെ​മോ​ണ്ട്​ സ​മാ​ധാ​ന​മാ​യി പ്ര​തി​ഷേ​ധം ന​ട​ത്താ​നും ആ​ഹ്വാ​നം ചെ​യ്​​തു. കാ​റ്റ​ലോ​ണി​യ​യു​ടെ സ്വാ​ത​ന്ത്ര്യ​പ്ര​ഖ്യാ​പ​ന​ത്തി​നു​പി​ന്നാ​ലെ​യാ​ണ്​ സ്​​പെ​യി​ൻ പ്ര​വി​ശ്യ​യു​ടെ സ്വ​യം​ഭ​ര​ണം റ​ദ്ദാ​ക്കിയ​ത്. അതോടൊപ്പം കാ​റ്റ​ല​ൻ പൊ​ലീ​സ്​ മേ​ധാ​വി​യെ​യും ഡ​യ​റ​ക്​​ട​ർ ജ​ന​റ​ലി​നെ​യും പു​റ​ത്താ​ക്കുകയും ചെയ്​തു.​

സ്​​പാ​നി​ഷ്​ ആ​ഭ്യ​ന്ത​ര​മ​ന്ത്രാ​ല​യം പൊ​ലീ​സ്​ വ​കു​പ്പി​​​െൻറ ചു​മ​ത​ല ഏ​റ്റെ​ടു​ക്കു​ക​യും ചെ​യ്​​തു. ഡി​സം​ബ​ർ 24ന്​  ​കാ​റ്റ​ലോ​ണി​യ​യി​ൽ പ്ര​ാ​ദേ​ശി​ക​തെ​ര​ഞ്ഞെ​ടു​പ്പ്​ ന​ട​ത്താ​നും ​സ്​പാനിഷ്​ സ​ർ​ക്കാ​ർ തീ​രു​മാ​നി​ച്ചു. കാ​റ്റ​ലോ​ണി​യ​യി​ൽ കേ​ന്ദ്ര​ഭ​ര​ണം ഏ​ർ​പ്പെ​ടു​ത്താ​നു​ള്ള നീ​ക്കം സ്​​പാ​നി​ഷ്​ സെ​ന​റ്റ്​ വെ​ള്ളി​യാ​ഴ്​​ച  അം​ഗീ​ക​രി​ച്ചി​രു​ന്നു. സ്​​പെ​യി​നി​ൽ നി​ന്ന്​ പൂ​ർ​ണ​സ്വാ​ത​ന്ത്ര്യം ആ​വ​ശ്യ​പ്പെ​ട്ട്​ ഒ​ക്​​ടോ​ബ​ർ ഒ​ന്നി​ന്​ കാ​റ്റ​ലോ​ണി​യ ഹി​ത​പ​രി​ശോ​ധ​ന ന​ട​ത്തി​യ​തോ​ടെ​യാ​ണ്​ പ്ര​ശ്​​ന​ങ്ങ​ൾ രൂ​ക്ഷ​മാ​യ​ത്.  ഹി​ത​പ​രി​ശോ​ധ​ന​യി​ൽ പ​​െ​ങ്ക​ടു​ത്ത 43ശ​ത​മാ​നം ആ​ളു​ക​ളി​ൽ  90ശ​ത​മാ​ന​വും അ​നു​കൂ​ല​മാ​യാ​ണ്​ വോ​ട്ട്​ രേ​ഖ​പ്പെ​ടു​ത്തി​യ​ത്. 

സ്​​പാ​നി​ഷ്​ സ​ർ​ക്കാ​ർ നി​യ​മ​വി​രു​ദ്ധ​മാ​യി പ്ര​ഖ്യാ​പി​ച്ച ഹി​ത​പ​രി​ശോ​ധ​ന​ക്ക്​ യു.​എ​സ്, ജ​ർ​മ​നി, ബ്രി​ട്ട​ൻ, ഫ്രാ​ൻ​സ്​ തു​ട​ങ്ങി​യ രാ​ജ്യ​ങ്ങ​ളും യൂ​റോ​പ്യ​ൻ യൂ​നി​യ​നും എ​തി​രാ​ണ്​. സ്​​പെ​യി​നി​​​െൻറ ​െഎ​ക്യം ത​ക​ർ​ക്ക​രു​തെ​ന്നാ​ണ്​ ഇ​വ​രു​ടെ ആ​ഹ്വാ​നം. രാ​ജ്യ​ത്തെ സം​ഘ​ർ​ഷ​ത്തി​ലേ​ക്ക്​ ത​ള്ളി​വി​ട്ട​തി​​​െൻറ പേ​രി​ൽ പു​ജെ​മോ​ണ്ടി​​​െൻറ പേ​രി​ൽ കേ​സെ​ടു​ക്കു​മെ​ന്നും അ​ധി​കൃ​ത​ർ വ്യ​ക്ത​മാ​ക്കി. സ്​​പാ​നി​ഷ്​  നി​യ​മ​പ്ര​കാ​രം ക​ലാ​പ​ത്തി​ന്​ പ്രേ​രി​പ്പി​ക്ക​ൽ 30വ​ർ​ഷം വ​രെ ത​ട​വു​ശി​ക്ഷ ല​ഭി​ക്കാ​വു​ന്ന കു​റ്റ​മാ​ണ്. സ്വ​യം​ഭ​ര​ണം റ​ദ്ദാ​ക്കി​യ​തോ​ടെ കാ​റ്റ​ല​ൻ സാ​മ്പ​ത്തി​ക​മേ​ഖ​ല​ക​ൾ സ്​​പെ​യി​നി​​​െൻറ നേ​രി​ട്ടു​ള്ള നി​യ​ന്ത്ര​ണ​ത്തി​ലാ​യി. പ്ര​വി​ശ്യ​യി​ലെ 1700 ഒാ​ളം ക​മ്പ​നി​ക​ളു​ടെ ആ​സ്​​ഥാ​നം കാ​റ്റ​ലോ​ണി​യ​ക്കു​പു​റ​ത്തേ​ക്ക്​ മാ​റ്റു​ക​യും ചെ​യ്​​തി​ട്ടു​ണ്ട്.