കു​പ്ര​സി​ദ്ധ മാഫിയ തലവൻ അന്തരിച്ചു 

മി​ല​ൻ: ഇ​റ്റ​ലി​ക്കാ​രു​ടെ പേ​ടി​സ്വ​പ്​​ന​മാ​യ  കു​പ്ര​സി​ദ്ധ കു​റ്റ​വാ​ളി  സാ​ൽ​വ​​ത്തോ​റെ ടോ​േ​ട്ടാ റെ​യി​നെ (87) ത​ട​വി​ൽ ക​ഴി​യു​ന്ന​തി​നി​ടെ മ​രി​ച്ചു. കാ​ൻ​സ​ർ, ഹൃ​ദ്രോ​ഗം, പാ​ർ​ക്കി​സ​ൺ​സ്​ എ​ന്നീ രോ​ഗ​ങ്ങ​ൾ​ക്ക്​ ചി​കി​ത്സ​യി​ലാ​യി​രു​ന്നു. വി​വി​ധ കൊ​ല​പാ​ത​ക​ങ്ങ​ളി​ലാ​യി 26 ജീ​വ​പ​ര്യ​ന്തം ത​ട​വു​ക​ളാ​ണ്​ ഇ​യാ​ൾ​ക്കെ​തി​രെ ചു​മ​ത്തി​യ​ത്. 15ല​ധി​കം കൊ​ല​പാ​ത​ക​ങ്ങ​ൾ ഇ​യാ​ളു​ടെ പേ​രി​ലു​ണ്ട്. കു​പ്ര​സി​ദ്ധ  മാ​ഫി​യ​സം​ഘ​മാ​യി​രു​ന്ന കോ​സ​നോ​സ്​​ട്ര​യു​ടെ  ത​ല​വ​നാ​യി​രു​ന്നു.

ഇ​റ്റ​ലി​യി​ലെ അ​ഭി​ഭാ​ഷ​ക​രെ​യും പൊ​ലീ​സ്​ ഉ​ദ്യോ​ഗ​സ്ഥ​രെ​യും വ​ധി​ക്കു​ന്ന​തി​ൽ മു​ഖ്യ ആ​സൂ​ത്ര​ക​നാ​യി​രു​ന്ന റെ​യി​നെ​യെ 1993ൽ ​സി​സി​ലി​യി​ൽ​വെ​ച്ചാ​ണ്​​ അ​റ​സ്​​റ്റ്​ ചെ​യ്​​ത​ത്. 13 വ​യ​സ്സി​ൽ പി​താ​വ്​ കൊ​ല്ല​പ്പെ​ട്ട​തോ​ടെ​യാ​ണ്​ റെ​യി​നെ കു​റ്റ​കൃ​ത്യ​ങ്ങ​ളു​ടെ ലോ​ക​ത്തെ​ത്തി​യ​ത്. 1992ൽ ​ബോം​ബ്​ സ്​​ഫോ​ട​ന​ത്തി​ൽ  മാ​ഫി​യ​സം​ഘ​ത്തി​നെ​തി​രെ പ്ര​വ​ർ​ത്തി​ച്ച ഇ​റ്റ​ലി​യി​ലെ ര​ണ്ട്​ പ്ര​മു​ഖ മ​ജി​സ്​​​​ട്രേ​റ്റു​ക​ൾ കൊ​ല്ല​പ്പെ​ട്ട​തി​നെ തു​ട​ർ​ന്നാ​ണ്​  അ​ധി​കൃ​ത​ർ മാ​ഫി​യ​സം​ഘ​ങ്ങ​ൾ​ക്കെ​തി​രെ ശ​ക്ത​മാ​യ ന​ട​പ​ടി സ്വീ​ക​രി​ച്ച​ത്.

തു​ട​ർ​ന്ന്​   റെ​യി​നെ​ക്കാ​യി ​ തി​ര​ച്ചി​ൽ ആ​രം​ഭി​ക്കു​ക​യും ചെ​യ്​​തു. ആ​റു മാ​സ​ങ്ങ​ൾ​ക്ക​കം പി​ടി​കൂ​ടു​ക​യും ചെ​യ്​​തു. കു​ടും​ബാം​ഗ​ങ്ങ​ൾ​ക്ക് മൃ​ത​ദേ​ഹം കാ​ണാ​ൻ  അ​ധി​കൃ​ത​ർ  അ​നു​മ​തി ന​ൽ​കി. ആ​രോ​ഗ്യം വ​ഷ​ളാ​യ​തി​നെ തു​ട​ർ​ന്ന്​ അ​ദ്ദേ​ഹ​ത്തെ വീ​ട്ടു​ത​ട​ങ്ക​ലി​ലേ​ക്ക്​ മാ​റ്റ​ണ​മെ​ന്ന കു​ടും​ബ​ത്തി​​െൻറ അ​ഭ്യ​ർ​ഥ​ന കോ​ട​തി ത​ള്ളി​യി​രു​ന്നു.