റഷ്യൻ പ്രതിപക്ഷനേതാവ്​ ജയിൽമോചിതനായി

മോസ്​കോ: ഒൗദ്യോഗിക അനുമതിയില്ലാതെ റാലി നടത്താൻ പദ്ധതിയിട്ടതിന്​​ ജയിലിലടച്ച റഷ്യൻ പ്രതിപക്ഷനേതാവ്​ അലക്​സി നവാൽനിയെ വിട്ടയച്ചു. 20 ദിവസത്തെ തടവിനുശേഷമാണ്​ മോചനം. അധികൃതരുടെ അനുമതിയില്ലാതെ പ്രസിഡൻറ്​ വ്ലാദിമിർ പുടി​​െൻറ ജന്മനഗരമായ സ​െൻറ്​ പീ​േറ്റഴ്​സ്​ ബർഗിൽ റാലി ക്കായി ആസൂത്രണം ചെയ്​തതിനെതുടർന്നാണ്​ അറസ്​റ്റ്​.

റാലി നടത്താൻ റഷ്യയിലെ ഏറ്റവും വലിയ നഗരങ്ങളിലൊന്നായ നിഴ്​നി നൊവ്​ഗോറേദിലേക്ക്​ യാത്രക്കായി ഒരുങ്ങുന്നതിനിടെയാണ്​ കഴിഞ്ഞമാസം ഇദ്ദേഹത്തെ അറസ്​റ്റ്​ ചെയ്​തത്​. അസ്​ട്രാഖാൻ നഗരത്തിൽ നടക്കുന്ന സർക്കാർവിരുദ്ധ റാലിയിൽ പ​െങ്കടുക്കുമെന്ന്​ ജയിൽമോചിതനായശേഷം അലക്​സി ട്വിറ്ററിൽ കുറിച്ചു.

അഴിമതിവിരുദ്ധപോരാട്ടങ്ങളിൽ സജീവമായ ഇൗ 40കാരൻ പുടി​​െൻറ കടുത്തവിമർശകനുമാണ്​. മാർച്ചിൽ നടക്കുന്ന പ്രസിഡൻറ്​ തെരഞ്ഞെടുപ്പിൽ പുടിനെതിരെ മത്സരിക്കാനും ഇദ്ദേഹത്തിന്​ പദ്ധതിയുണ്ട്​. സർക്കാറി​​െൻറ അഴിമതിയെക്കുറിച്ച്​ ​ബ്ലോഗിലെഴുതുകവഴി 2008ലാണ്​ അലക്​സി റഷ്യൻ രാഷ്​ട്രീയത്തിൽ അറിയപ്പെട്ടത്​. സർക്കാർവിരുദ്ധറാലികൾ സംഘടിപ്പിച്ചതിനെതുടർന്ന്​ നിരവധിതവണ ജയിൽവാസം അനുഭവിച്ചിട്ടുണ്ട്​.