പുരോഹിതരും ബിഷപ്പുമാരും കന്യാസ്​ത്രീകളെ പീഡിപ്പിച്ചെന്ന്​ മാർപാപ്പ

വത്തിക്കാൻ സിറ്റി: കത്തോലിക്ക സഭയിൽ പുരോഹിതരും ബിഷപ്പുമാരും ദൈവദാസികളായ കന്യാസ്​ത്രീകളെ ലൈംഗിക പീഡനത്തി നിരയാക്കിയെന്നും ഒരു സംഭവത്തിൽ ലൈംഗിക അടിമത്തത്തിനിടയാക്കിയെന്നും ഫ്രാൻസിസ്​ മാർപാപ്പ. ഏറെയായി കത്തോലിക്ക സഭയിൽ ഇൗപ്രശ്​നം നിലനിൽക്കുന്നുണ്ടെന്നും സ്​ത്രീകളെ രണ്ടാംതരം വിഭാഗമായി കാണുന്നതാണ്​ അടിസ്​ഥാനപ്രശ്​നമെന ്നും മാർപാപ്പ കുറ്റപ്പെടുത്തി. ചരിത്രംകുറിച്ച പശ്ചിമേഷ്യൻ പര്യടനം പൂർത്തിയാക്കി മടങ്ങവെ ഒൗദ്യോഗിക വിമാനത് തിൽ മാധ്യമ പ്രവർത്തകരുടെ ചോദ്യത്തിന്​ മറുപടിയായാണ്​ പ്രതികരണം. ആദ്യമായാണ്​ കന്യാസ്​​ത്രീകൾക്കെതിരായ ലൈംഗികപീഡനത്തെ കുറിച്ച്​ ഫ്രാൻസിസ്​ മാർപാപ്പ പരസ്യമായി പ്രതികരിക്കുന്നത്​.

ബിഷപ്പുമാരുൾപ്പെടെ പുരോഹിതർ കന്യാസ്​ത്രീകളെ പീഡിപ്പിക്കുന്ന സംഭവങ്ങളുണ്ട്​. ആരോപണത്തെ കുറിച്ച്​ സഭക്ക്​ ​േബാധ്യമുണ്ട്​. പ്രശ്​നം ഇപ്പോഴും നിലനിൽക്കുകയാണ്​. വിഷയം കൈകാര്യംചെയ്യാനുള്ള നടപടികൾ ഏറെയായി സ്വീകരിച്ചുവരുകയാണ്​. നിരവധി പുരോഹിതരെ സംഭവവുമായി ബന്ധപ്പെട്ട്​ ഇതിനകം പുറത്താക്കിയെന്നും അദ്ദേഹം പറഞ്ഞു. ‘ലൈംഗികാടിമത്തം ശ്രദ്ധയിൽപെട്ടതിനെതുടർന്ന്​ ഒരു വനിതാസഭ മൊത്തത്തിൽ പിരിച്ചുവിടാൻ മുൻ മാർപാപ്പ ബെനഡിക്​ട്​ ഒന്നാമൻ ധൈര്യം കാണിച്ചു. ചില സഭകളിൽ, പ്രത്യേകിച്ച്​ പുതുതായി നിലവിൽവന്നവയിലാണ്​​ ലൈംഗികപീഡനം സംഭവിച്ചത്​’ -മാർപാപ്പ വിശദീകരിച്ചു.

ഫ്രാൻസിലെ സ​​​െൻറ്​ ജീൻ സഭയാണ്​ ലൈംഗികപീഡന വിവാദം പുറത്തുവന്നതിനെ തുടർന്ന്​ മുൻ മാർപാപ്പ പിരിച്ചുവിട്ടതെന്ന്​ പിന്നീട്​ വത്തിക്കാൻ മാധ്യമ ഒാഫിസ്​ അറിയിച്ചു. ഏഷ്യ, ആഫ്രിക്ക, ലാറ്റിൻ അമേരിക്ക തുടങ്ങിയ ഭൂഖണ്ഡങ്ങളിലാണ്​ ലൈംഗിക പീഡന വിവാദം കൂടുതലായി രംഗത്തുവന്നത്​. അടുത്തിടെ നിരന്തരം പീഡിപ്പിക്കപ്പെട്ടുവെന്ന കന്യാസ്​ത്രീ​യുടെ പരാതിയിൽ ജലന്ധർ ബിഷപ്​ ഫ്രാ​േങ്കാ മുളക്കൽ അറസ്​റ്റുചെയ്യപ്പെട്ടത്​ വാർത്തയായിരുന്നു. ചിലിയിൽ നിരവധി കന്യാസ്​ത്രീകൾ കൂട്ടായി രംഗത്തെത്തിയതിനെ തുടർന്ന്​ കഴിഞ്ഞവർഷം അന്വേഷണം പ്രഖ്യാപിച്ചതും മാധ്യമ​ശ്രദ്ധ നേടി. ഇറ്റലിയിലും സമാന ആരോപണങ്ങൾ ഉയർന്നു.

ദിവസങ്ങൾക്കു​മുമ്പാണ്​ വത്തിക്കാനിലെ വനിതാ മാഗസിനായ ‘വിമെൻ ചർച്​ വേൾഡ്​’ ലൈംഗിക പീഡനത്തിനെതിരെ ശക്​തമായി രംഗത്തുവന്നത്​. പീഡനത്തിന്​ മൗനാനുവാദം നൽകുന്ന സമീപനമുണ്ടായാൽ സ്​ത്രീകൾക്കെതിരായ അടിച്ചമർത്തൽ അവസാനിക്കില്ലെന്ന്​ ലേഖനം കുറ്റപ്പെടുത്തി.