ഭാര്യയെ തല്ലിയ​ ഇന്ത്യൻ വംശജൻ ലണ്ടനിൽ അറസ്റ്റിൽ

ലണ്ടൻ: ഭാര്യയെ തല്ലിയതിന്​ ഇന്ത്യൻ വംശജൻ ഇംഗ്ലണ്ടി​ൽ അറസ്​റ്റിൽ. 46കാരനായ ബിസിനസുകാരൻ ഗുർമിത്​ ദോസഞ്ചറിനാണ്​ മാഞ്ചസ്​റ്ററിലെ മിൻഷുൽ സ്​​ട്രീറ്റ്​ ക്രൗൺ കോടതി 10 മാസം തടവ്​ വിധിച്ചത്​. 

37 കാരിയായ ഭാര്യ സാദിയയെ ദേഹോപദ്രവം ഏൽപ്പിച്ചു, നേരത്തെ ഉപദ്രവിച്ചതി​​​െൻറ ഫലമായി ക്രച്ചസിൽ കഴിയുന്ന ഭാര്യയുടെ ഉൗന്നുവടി ഉപയോഗിച്ച്​ അവരെ വീണ്ടും മർദിച്ചു തുടങ്ങിയിവയാണ്​ ഗുർമിതിനെതിരായ കുറ്റങ്ങൾ. 

ഭാര്യയും ഭർത്താവും തമ്മിലുള്ള വിശ്വാസത്തി​​​െൻറ തകർച്ചയാണിത്​. സ്വന്തം വീട്ടിൽ സ്​ത്രീക്ക്​ ലഭിക്കേണ്ട സുരക്ഷയുടെ ലംഘനമാണ്​ മർദനം. ആദ്യത്തെ മർദനം മൂലം ഭാര്യ ഉപയോഗിക്കേണ്ടി വന്ന ക്രച്ചസ്​ ഉപയോഗിച്ച്​ തന്നെ രണ്ടാമതും മർദിച്ചത്​ പ്രതിയുടെ സ്വഭാവത്തി​​​െൻറ അന്തസ്സില്ലായ്​മയാണ്​ വ്യക്​തമാക്കുന്നത്​. അതിനാൽ എത്രയും പെ​െട്ടന്ന്​ ജയിൽ ശിക്ഷ അനുഭവിക്കേണ്ടത്​ അനിവാര്യമാണെന്നും കോടതി നിരീക്ഷിച്ചു. 

ആദ്യ തവണ മർദിച്ച്​ കാലൊടിച്ചിരുന്നെങ്കിലും ഇതേ പറ്റി ഭാര്യ പരാതിപ്പെട്ടിരുന്നില്ല. 10 വർഷം മുമ്പ്​ വിവാഹിതരായ ദമ്പതിമാർ ഇംഗ്ലണ്ടിൽ കമ്പനി നടത്തുകയാണ്​. എന്നാൽ ഭർത്താവ്​ മദ്യപാനം തുടങ്ങിയതോടെയാണ്​ ജീവിതം താളംതെറ്റിയതെന്ന്​ ഡെയ്​ലി മിറർ റിപ്പോർട്ട്​ ചെയ്​തു. പിതാവ്​ മരിച്ചതോടെയാണ്​ ഗുർമിത്​ മദ്യപാനം ആരംഭിച്ചത്​.