ആ​സ്​​ട്രേ​ലി​യ​യി​ൽ ദ​യാ​വ​ധം നി​യ​മാ​നു​സൃ​തം അനുവദിക്കാൻ 68 വ്യവസ്ഥകള്‍ പാലിക്കണം

കാൻബറ:ആസ്ട്രേലിയൻ സംസ്​ഥാനമായ വി​ക്​ടോറിയയിൽ ദയാവധത്തിന്​ അനുമതി. 2017ൽ പാസാക്കിയ ബില്ലാണ്​ ബുധനാഴ്​ച മുതൽ പ ്രാബല്യത്തിൽ വന്നത്​. ദയാവധം നിയമാനുസൃതമാക്കിയ രാജ്യത്തെ ​ഏക സംസ്​ഥാനമാണ്​ വിക്​ടോറിയ. പ്രമുഖ ലോകരാജ്യങ്ങൾ ദയാവധം നിയമം മൂലം നിരോധിച്ചിട്ടുണ്ട്.

വിക്ടോറിയൻ പ്രീമിയർ ഡാനിയൽ ആൻഡ്രൂസാണ് ദയാവധത്തിനായി വാദിച്ചവരിൽ പ ്രമുഖൻ. 2016ൽ ഇദ്ദേഹത്തിന്‍റെ പിതാവ് രോഗം മൂർച്ഛിച്ച് അത്യാസന്ന നിലയിലായി മരണപ്പെട്ടിരുന്നു. ദയാവധത്തിനായി അപേക്ഷിച്ചിരുന്നെങ്കിലും അധികൃതർ അത് തള്ളി. അന്നുമുതൽ ദയാവധം നിയമപരമാക്കണമെന്ന് ആവശ്യപ്പെട്ടുള്ള കൂട്ടായ്മയ്ക്കൊപ്പം ഡാനിയൽ ആൻഡ്രൂസും ഉണ്ടായിരുന്നു. രോഗികൾക്ക്​ സ്വന്തം ഇച്ഛയനുസരിച്ച്​ ജീവിതം അവസാനിപ്പിക്കാൻ അവകാശമുണ്ടെന്നാണ്​ അദ്ദേഹം അഭിപ്രായപ്പെട്ടത്​.

ഒരാള്‍ക്ക് ദയാവധം അനുവദിക്കണമെങ്കില്‍ 68 വ്യവസ്ഥകള്‍ പാലിക്കണം. ചികിത്സിച്ചു​ ഭേദമാക്കാൻ കഴിയാത്ത മാരകമായ അസുഖം ബാധിച്ച പ്രായപൂർത്തിയായവർക്കാണ്​ ദയാവധത്തിന്​ അനുമതിയുള്ളത്​​. 12 ആളുകൾ ഈ വർഷം ദയാവധത്തിന്​ അനുമതി തേടിയിട്ടുണ്ടെന്നാണ്​ റിപ്പോർട്ട്​.

സ്വതന്ത്ര റിവ്യൂ ബോര്‍ഡും കൊറോണറുമാണ് വ്യവസ്ഥകളും നിയമങ്ങളുംപാലിക്കപ്പെടുന്നുണ്ടോ എന്ന് പരിശോധിക്കുന്നത്. നടപടികള്‍ ആരംഭിച്ച ശേഷം കുറഞ്ഞത് 10 ദിവസമെങ്കിലും കഴിഞ്ഞ് മാത്രമെ ദയാവധം അനുവദിക്കുകയുള്ളൂ. അടുത്ത വർഷം നൂറിലേറെ പേർ ദയാവധം തെരഞ്ഞെടുത്തേക്കാമെന്നും ആൻഡ്രൂസ്​ പറഞ്ഞു.