അംഗല മെർക്കലിനെ ഹിറ്റ്​ലറിനോട്​ ഉപമിച്ച മാൾട്ട സ്ഥാനപതി രാജിവെച്ചു

വാ​െലറ്റ: ജർമ്മൻ ചാൻസലർ അംഗല മെർക്കലിനെ അഡോൾഫ് ഹിറ്റ്ലറുമായി താരതമ്യപ്പെടുത്തി ഫേസ്ബുക്ക് പോസ്റ്റിട്ട മാൾട്ട സ്ഥാനപതി രാജിവച്ചു. ഫിൻലാൻഡിലെ മാൾട്ട അംബാസഡറായ മൈക്കൽ സാംമിത്​ ടബോനയാണ്​ വിവാദ പോസ്​റ്റിനു പിന്നാലെ രാജിച്ചെത്​. 

"75 വർഷം മുമ്പ് ഞങ്ങൾ ഹിറ്റ്ലറെ അവസാനിപ്പിച്ചു. ആർക്കാണ്​ അംഗല മെർക്കലിനെ തടയാൻ കഴിയുക. യൂറോപ്പി​​​െൻറ നിയന്ത്രണം എന്ന ഹിറ്റ്​ലറുടെ സ്വപ്നം അവർ നിറവേറ്റി’’ -എന്നതായിരുന്നു സ്ഥാനപതി സാംമിത് ടബോനയുടെ പോസ്​റ്റ്​. 

സന്ദേശം വിവാദമായതോടെ അത്​ ഫേസ്​ബുക്കിൽ നിന്നും നീക്കം ചെയ്യണമെന്ന് സാംമിത്​ ടബോനയോട്​ മാൾട്ട വിദേശകാര്യ മന്ത്രാലയം ആവശ്യപ്പെട്ടിരുന്നു. ഇതെ തുടർന്ന്​ അ​​േദഹം രാജി വെക്കുകയായിരുന്നു. 2014 മുതൽ ഫിൻലാൻഡിലെ അംബാസഡറാണ്​ ടബോന. 

സ്ഥാപനതിയു​െട വിവാദ പരാമർശത്തിൽ ജർമ്മൻ എംബസിക്ക് ക്ഷമാപണം അയക്കുമെന്ന് മാൾട്ട വിദേശകാര്യ മന്ത്രി ഇവാരിസ്റ്റ് ബാർട്ടോലോ അറിയിച്ചു.