ലെസ്​റ്റർസിറ്റി ഉടമയുടെ ഹെലികോപ്​ടർ തകർന്നു വീണു

ലണ്ടൻ: ഇംഗ്ലീഷ്​ പ്രീമിയർ ലീഗ് ഫുട്​ബാൾ​ ക്ലബ്​ ലെസ്​റ്റർസിറ്റി ഉടമയുടെ ഹെ​ലികോപ്​ടർ തകർന്നു വീണു. ടീമി​​​െൻറ ഹോം ഗ്രൗണ്ടിലെ കാർ പാർക്കിങ്ങിന്​ സമീപമാണ്​ ഹെലികോപ്​ടർ തകർന്ന്​ വീണത്​. ശനിയാഴ്​ച പ്രീമിയർ ലീഗ്​ മൽസരത്തിന്​ ശേഷമാണ്​ ക്ലബ്​ ഉടമ വിചായ്​ ശ്രീവന്ദനപ്രഭയുടെ ഹെലികോപ്​ടർ അപകടത്തിൽപ്പെട്ടത്​.

ഹെലികോപ്​ടർ തകർന്ന്​ വീണയുടൻ തീപിടിക്കുകയും ചെയ്​തു. ഹെലികോപ്​ടറിൽ ആരാണ്​ യാത്ര ചെയ്​തിരുന്നതെന്ന്​വ്യക്​തമായിട്ടില്ല. ക്ലബ്​ ഉടമ മൽസരം കാണാൻ എത്തിയിരുന്നോ എന്ന കാര്യത്തിലും സ്ഥിരീകരണമില്ല. അപകടം നടന്നയുടൻ ലെസ്​റ്റർസിറ്റി​ പൊലീസിനെ വിവരമറിയിച്ചുവെന്ന്​ ക്ലബ്​ ട്വീറ്റ്​ ചെയ്​തിട്ടുണ്ട്​​.

2010ലാണ്​ ലെസ്​റ്റർ സിറ്റിയുടെ ഉടമസ്ഥത 40 മില്യൺ പൗണ്ടിന്​ ശ്രീവന്ദനപ്രഭ സ്വന്തമാക്കുന്നത്​.