കാൾ മാർക്​സി​െൻറ ജന്മദിനാഘോഷം ഗംഭീരമാക്കാൻ ജർമനിയും ചൈനയും

ബർലിൻ: ലോകംകണ്ട മികച്ച ദാർശനികനും ചിന്തകനും സാമ്പത്തിക വിദഗ്​ധനുമായ കാൾ മാർക്​സി​​​െൻറ 200ാം ജന്മദിനമാണിന്ന്​. 1818 മേയ്​ അഞ്ചിന്​ ജർമനിയിലെ ട്രിയറിലാണ്​ മാർക്​സ്​ ജനിച്ചത്​. ആഘോഷത്തി​​​െൻറ ഭാഗമായി ട്രിയറിൽ ചൈന നിർമിച്ച മാർക്​സി​​​െൻറ കൂറ്റൻ വെങ്കലപ്രതിമ ഇന്ന്​ അനാവരണം ചെയ്യും. ചൈനീസ്​ കലാകാരൻ വു വീഷാൻ ആണ്​18 അടി ഉയരമുള്ള പ്രതിമ നിർമിച്ചത്​. 2.3 ടൺ വെങ്കലമാണ്​ നിർമാണത്തിന്​ ഉപയോഗിച്ചത്​.  അനാവരണ ചടങ്ങിൽ യൂറോപ്യൻ കമീഷൻ പ്രസിഡൻറ്​ ജീൻ ക്ലോഡ്​ ജങ്കാർ, ജർമൻ സോഷ്യൽ ഡെമോക്രാറ്റ്​ നേതാവ്​ ആ​ൻഡ്രിയ എന്നിവർ സംസാരിക്കും. ജർമനിക്ക്​ ചൈനയുടെ സമ്മാനം കൂടിയാണീ പ്രതിമ. 

നേരത്തേ, മാര്‍ക്‌സി​​​െൻറ ജന്മദിനാഘോഷപരിപാടി​യോടനുബന്ധിച്ച്​ ട്രാഫിക് ലൈറ്റുകള്‍ക്ക് മാറ്റം  വരുത്തിയിരുന്നു ട്രിയർ നഗരം. ലൈറ്റുകള്‍ തെളിയുമ്പോള്‍ മാര്‍ക്‌സ് നടക്കുന്നതും കൈവിരിച്ച് നടക്കുന്നതുമായ ചിത്രങ്ങൾ സിഗ്​നലിൽ തെളിയിച്ചായിരുന്നു പരിഷ്​കാരം. ആഘോഷത്തി​​​െൻറ ഭാഗമായി മാർക്​സി​​​െൻറ ചിത്രം പതിച്ച പൂജ്യമെന്ന്​ രേഖപ്പെടുത്തിയ യൂറോ നോട്ടുകൾ മൂന്നു രൂപക്ക്​ വിൽക്കും. യഥാർഥ യൂറോ നോട്ടിനെ പോലെ തോന്നിക്കുന്ന ഇവ പ്രധാന വിനോദസഞ്ചാര കേന്ദ്രങ്ങളിലെല്ലാം വിൽക്കും. മാർക്​സി​​​െൻറ പേരിൽ നിരവധി പ്രതിമകളും സ്​കൂളുകളും ചത്വരങ്ങളും  തെരുവുകളും ജർമനിയുടെ കിഴക്കൻ^പടിഞ്ഞാറൻ മേഖലകളിലുണ്ടായിരുന്നു. യൂറോപ്പിൽ കമ്യൂണിസത്തി​​​െൻറ തകർച്ചയും 1989ലെ ബെർലിൻ മതിലി​​​െൻറ പതനവും വന്നതോടെ അതെല്ലാം നഷ്​ടമായി. പിന്നീട്​  മാർക്​സി​​​െൻറ പേര്​ മാറ്റിയെഴുതി. കാൾ മാക്​സ്​ ചത്വരം പിന്നീട്​ മാർക്കറ്റ്​ സ്​ക്വയർ ആയി മാറി.

ചൈനയിൽ കമ്യൂണിസ്​റ്റ്​ പാരമ്പര്യം ഉൗട്ടിയുറപ്പിക്കാനാണ്​ പ്രസിഡൻറ്​ ഷി ജിൻപിങ്​ ഇൗയവസരം വിനിയോഗിക്കുക. ഉദ്യോഗസ്​ഥർ മാർക്​സിസത്തി​​​െൻറ സത്ത ഉൾക്കൊള്ളണമെന്ന്​ ഷി പി.ബിയിൽ ആഹ്വാനം ചെയ്​തു. മാർക്​സ്​ ആണ്​ ശരിയെന്ന പേരിൽ ഒരു ഡോക്യുമ​​െൻററിയും ചൈന ഇറക്കുന്നുണ്ട്​. പാർട്ടി അനുയായികൾ മാർക്​സി​​​െൻറ പുസ്​തകങ്ങൾ വായിച്ച്​ ആ തത്ത്വങ്ങളെ ആഴത്തിൽ പഠിക്കണം. കാൾ മാർക്​സി​​​െൻറ  രാഷ്​ട്രീയ തത്ത്വങ്ങൾ പിന്തുടരാനുള്ള ചൈനയുടെ തീരുമാനം ശരിയെന്ന്​ തെളിഞ്ഞതായും ഷി ജിൻപിങ്​ പറഞ്ഞു. മാനവചരിത്രത്തിലെ മഹാനായ ചിന്തകനായിരുന്നു മാർക്​സ്​ എന്നാണ്​ ഷി വ​ിശേഷിപ്പിച്ചത്​.