Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightWorldchevron_rightഎംബസി വാസത്തിനിടയിൽ...

എംബസി വാസത്തിനിടയിൽ അസാൻജ്​ രണ്ട്​ കുട്ടികളുടെ പിതാവായെന്ന്​

text_fields
bookmark_border
എംബസി വാസത്തിനിടയിൽ അസാൻജ്​ രണ്ട്​ കുട്ടികളുടെ പിതാവായെന്ന്​
cancel

ലണ്ടൻ: വിക്കിലീക്​സ്​ സ്​ഥാപകൻ ജൂലിയൻ അസാൻജ്​ ഇക്വാഡോർ എംബസിയിൽ താമസിക്കുന്ന കാലത്ത്​ രണ്ട്​ കുഞ്ഞുങ്ങളുട െ പിതാവായതായി റിപ്പോർട്ട്​. ദക്ഷിണാഫ്രിക്കൻ വക്കീൽ സ്​റ്റെല്ലാ മോറിസ്​ ആണ്​ കുട്ടികളുടെ മാതാവ്​. തങ്ങൾ അഗാ ധമായ പ്രണയത്തിലാണെന്നും വിവാഹിതരാകാൻ ആഗ്രഹിക്കുന്നുണ്ടെന്നും അവർ പറയുന്ന വീഡിയോ വിക്കിലീക്​സ്​ പുറത്ത്​ വ ിട്ടു.

അമേരിക്കയുടെ സൈനിക വിവരങ്ങളടക്കം വിവിധ രാജ്യങ്ങളിലെ ഒൗദ്യോഗിക വിവരങ്ങൾ വിക്കിലീക്​സ്​ പുറത്ത് വിട്ട​ത്​ മുതൽ നിയമ നടപടികളുമായി അമേരിക്കയടക്കമുള്ള വിവിധ രാജ്യങ്ങൾ അസാൻജിന്​ പിറകെയുണ്ട്​. 2012ൽ ലണ്ടനിലെ ഇക്വാഡോർ എംബസിയിൽ അഭയം തേടിയ അസാൻജിന്​​ വർഷങ്ങളോളം അവിടെ തന്നെ തുടരേണ്ടി വന്നു. ഇപ്പോൾ ലണ്ടനിലെ ബെൽമാർഷ്​ ജയിലിലാണ്​ അസാർജ്​.

ജൂലിയൻ അസാൻജി​ന്റെ നിയമ നടപടികളുമായി ബന്ധ​പ്പെട്ട്​ ഇക്വാഡോർ എംബസിയിലെത്തിയ വക്കീൽ സ്​റ്റെല്ലാ മോറിസുമായി 2015 മുതൽ അദ്ദേഹം​ പ്രണയത്തിലായിരുന്നത്രെ. രണ്ടും ഒന്നും വയസുള്ള രണ്ട്​ ആൺകുട്ടികളാണ്​ ഇവർക്കുള്ളത്​. കോവിഡ്​ വ്യാപനവുമായി ബന്ധപ്പെട്ട്​ അസാൻജ്​ ബെൽമാർഷ്​ ജയിലിൽ വെല്ലുവിളി നേരിടുന്നതിനാലാണ്​ ഇപ്പോൾ സത്യം പുറത്ത്​ പറയുന്നതെന്നും സ്​റ്റെല്ല പറയുന്നു. അദ്ദേഹത്തിന്​ ജാമ്യം അനുവദിക്കണമെന്നാണ്​ അവരുടെ ആവശ്യം. നേരത്തെ, കോവിഡ്​ പശ്ചാത്തലത്തിൽ അസാൻജ്​ നൽകിയ ജാമ്യാപേക്ഷ കോടതി തള്ളിയിരുന്നു.

രണ്ട്​ കുട്ടികളെയും ലണ്ടൻ ആശുപത്രിയിൽ പ്രസവിക്കുന്നതി​ന്റെ വിഡിയോ ദൃശ്യം​ തത്സമയം അസാൻജ്​ കണ്ടിരുന്നത്രെ. മൂതിർന്ന കുട്ടിയായ ഗബ്രിയേലിനെ ഇക്വാഡോർ എംബസിയിലേക്ക്​ ഒളിച്ച്​ കടത്തുകയും അസാൻജിന്​ കാണാൻ അവസരമുണ്ടാക്കുകയും ചെയ്​തിട്ടുണ്ടെന്ന്​ ഡെയ്​ലി മെലിൽ റിപ്പോർട്ട്​ ചെയ്യുന്നു. രണ്ട്​ കുട്ടികളും ബെൽമാർഷ്​ ജയിലിൽ അസാൻജിനെ സന്ദർശിച്ചിട്ടുണ്ട്​.

അസാൻജി​ന്റ ജീവിതത്തി​ലെ ദൗർഭാഗ്യങ്ങൾ തങ്ങളെ ബാധിക്കരുത്​ എന്ന്​ അദ്ദേഹത്തിന്​ നിർബന്ധമുണ്ടായതിനാലാണ്​ ഇൗ വിവരങ്ങൾ രഹസ്യമാക്കി വെച്ചതെന്ന്​ സ്​റ്റെല്ല പറയുന്നു. എന്നാൽ, കോവിഡ്​ ഭീതി നിലനിൽക്കുന്നതിനാൽ ബെൽമാർഷ്​ ജയിലിൽ അദ്ദേഹം സുരക്ഷിതനല്ലെന്നും അതുകൊണ്ടാണ്​ ഇപ്പോൾ എല്ലാം പറയുന്നതെന്നും സ്​റ്റെല്ല വ്യക്തമാക്കി. വിചാരണക്കായി അസാൻജിനെ വിട്ടു കിട്ടണമെന്ന അമേരിക്കയുടെ ആവശ്യം ലണ്ടൻ കോടതിയുടെ പരിഗണനയിയിലാണ്​.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:julian assangewikileaksworld newsmalayalam newscovid 19
News Summary - Julian Assange secretly fathered two children
Next Story