അത്​ ഇപ്പോഴും കൊലയാളി വൈറസ്​ തന്നെ; വളരെ ശ്രദ്ധിക്കണം -ലോകാ​േരാഗ്യ സംഘടന

ന്യൂയോർക്ക്​: കോവിഡ് ​19 ഇ​പ്പോഴും കൊലയാളി വൈറസ്​ തന്നെയാണെന്നും നമ്മൾ വളരെയധികം ശ്രദ്ധിക്കേണ്ടതുണ്ടെന്നും ലോകാരോഗ്യ സംഘടന. പുതിയ കൊറോണ വൈറസിന്​​ രാജ്യത്ത്​ അധികകാലം നിലനിൽപ്പില്ലെന്ന ഇറ്റാലിയൻ ഡോക്​ടർ ആൽബർ​ട്ടോ സാൻഗ്രില്ലോവി​​െൻറ വാദത്തെ തള്ളിക്കൊണ്ടാണ്​ ലോകാരോഗ്യ സംഘടന എക്സിക്യൂട്ടീവ്​ ഡയറക്​ടർ മൈക്കൽ റയാൻ ഇങ്ങനെ പറഞ്ഞത്​.

മൂന്ന്​ മാസം മുമ്പ്​ പ്രഖ്യാപിച്ച ലോക്ഡൗണിന്​ ഘട്ടംഘട്ടമായി ഇളവുകൾ നൽകുന്ന ഇറ്റലി അടുത്ത ഘട്ടത്തിലേക്ക്​ നീങ്ങുകയാണ്​. അതിനിടെയാണ്​ ഡോക്​ടറുടെ പ്രതികരണം​. യഥാർഥത്തിൽ വൈറസ്​ ഇറ്റലിയിൽ അധികകാലം നിലനിൽക്കില്ലെന്നായിര​ുന്നു അദ്ദേഹത്തി​​െൻറ കണ്ടെത്തൽ. രാജ്യത്തെ ഭയപ്പെടുത്തിയതി​​െൻറ ഉത്തരവാദിത്തം ആരെങ്കിലും ഒരാൾ ഏറ്റെടുക്കണമെന്നും അ​േദ്ദഹം പറഞ്ഞിരുന്നു.

ലോകാരോഗ്യ സംഘടനയെ കൂടാതെ ആൽബർ​ട്ടോ സാൻഗ്രില്ലോവി​​െൻറ വാദത്തെ തള്ളി ആരോഗ്യ വിദഗ്​ധരും രംഗത്തു വന്നു. സാൻഗ്രില്ലോവി​​െൻറ വാദം ശാസ്​ത്രീയ പിൻബലമില്ലാത്തതാണെന്നും അസംഭവ്യമാണെന്നും​ ഗ്ലാസ്​ഗോ സ​െൻറർ ഫോർ വൈറസ്​ റിസർച്ചിലെ ഡോ. ഓസ്​കർ മക്​ലീൻ പറഞ്ഞു.

ഗുരുതരാവസ്ഥയിലുള്ള കോവിഡ്​ കേസുകൾ കുറയുന്ന സാഹചര്യത്തിൽ ഗുരുതരമല്ലാത്ത രോഗ ലക്ഷണങ്ങൾ കാണിക്കുന്ന ആളുകളെ നിരീക്ഷിക്കേണ്ട സമയമാണ്​.- വൈറസിന്​ മാറ്റം സംഭവിക്കുന്നു എന്ന അടയാളമാണ്​ അത്​ നൽകുന്നതെന്ന്​ ലണ്ടൻ സ്​കൂൾ ഓഫ്​ ഹൈജീൻ ആൻഡ്​ ട്രോപ്പിക്കൽ മെഡിസിനിലെ പ്രഫസർ മാർട്ടിൻ ഹിബ്ബേർഡ്​ പറഞ്ഞു.