ഇൻറലിജൻസ്​ മുൻ മേധാവി മുസ്​തഫ ഖാദിമി ഇറാഖ്​ പ്രധാനമന്ത്രി 

ബാഗ്​ദാദ്​: ഇറാഖ്​ പാർല​െമൻറ്​ പുതിയ പ്രധാനമന്ത്രിയായി ഇൻറലിജൻസ്​ മുൻ മേധാവി മുസ്​തഫ അൽ  ഖാദിമിയെ തെരഞ്ഞെടുത്തു. അമേരിക്കയുമായി ശക്തമായി ബന്ധം പുലർത്തുകയും പ്രായോഗികതാവാദം മുറുകെപിടിക്കുകയും ചെയ്യുന്ന നേതാവാണ്​ ഖാദിമി. 

സർക്കാർ വിരുദ്ധ പ്രക്ഷോഭങ്ങളെ തുടർന്ന്​ പ്രധാനമന്ത്രി ആദിൽ അബ്​ദുൽ ​മഹ്​ദി രാജിവെച്ചതോടെയാണ്​ പുതിയ തെരഞ്ഞെടുപ്പിന്​ കളമൊരുങ്ങിയത്​. പ്രധാനമന്ത്രി തെരഞ്ഞെടുപ്പിൽ പാർലമ​െൻറിലെ 250ലധികം അംഗങ്ങൾ പ​ങ്കെട​ുത്തു. 15 മന്ത്രിമാർ ഉൾപ്പെടെ മുസ്​തഫ അൽ ഖാദിമിയെ പിന്തുണച്ചു. വ്യാപാരം, നീതിന്യായം, സംസ്​കാരം, കൃഷി, കുടിയേറ്റ വകുപ്പ്​ മന്ത്രിമാർ ഖാദിമിക്കെതിരെ വോട്ട്​ ചെയ്​തു.

ഇറാഖ്​ സർക്കാരുമായി ചേർന്ന്​ പ്രവർത്തിക്കുന്നതിൽ സന്തോഷവാനാണെന്ന്​ ഖാദിമി അറിയിച്ചു. രാജ്യം അഭിമുഖീകരിക്കുന്ന സാമൂഹിക, രാഷ്ട്രീയ, സാമ്പത്തിക പ്രതിസന്ധിയുടെ പ്രതികരണമായാണ് ഈ സർക്കാർ വന്നത്. ഇറാഖിലെ ജനങ്ങൾക്കും വികസനത്തിനും വേണ്ടി പ്രവർത്തിക്കുമെന്നും അതിനായി എല്ലാ രാഷ്​ട്രീയ പ്രവർത്തകരും മുന്നോട്ടുവരണമെന്നും ഖാദിമി ട്വിറ്ററിലൂടെ ആവശ്യപ്പെട്ടു.