ഇറാനിൽ ഇരട്ട ഭീകരാക്രമണം; 12 മരണം

തെഹ്​റാൻ: പശ്ചിമേഷ്യയെ ഞെട്ടിച്ച്​ ഇറാനിൽ ഇരട്ട ഭീകരാക്രമണം. പാർലമ​​െൻറിലും (മജ്​ലിസ്​) ആത്​മീയ നേതാവ്​ ആയത്തുല്ല ഖുമൈനിയുടെ സ്​മൃതികുടീരത്തിലുമുണ്ടായ ആക്രമണങ്ങളിൽ 12 പേർ മരിക്കുകയും 42 പേർക്ക്​ പരിക്കേൽക്കുകയും ചെയ്​തു. മൂന്നാമത്തെ ആക്രമണശ്രമം പരാജയപ്പെടുത്തിയതായി സുരക്ഷാവിഭാഗം അറിയിച്ചു. 

പാർലമ​​െൻറ്​ മന്ദിരത്തിൽ ആക്രമണം നടത്തിയ സംഘത്തിലെ മൂന്നുപേരെ സുരക്ഷാവിഭാഗം മണിക്കൂറുകൾ നീണ്ട ഏറ്റുമുട്ടലിൽ വധിച്ചപ്പോൾ, നാലാമത്തെയാൾ സ്വയം പൊട്ടിത്തെറിച്ചു. ഖുമൈനി സ്​മൃതികുടീരത്തിൽ ഒരു ആക്രമിയെ പൊലീസ്​ വെടിവെച്ചുകൊന്നപ്പോൾ, സംഘത്തിലെ വനിതാ ചാവേർ സ്വയം പൊട്ടി​ത്തെറിക്കുകയായിരുന്നു. ആക്രമണത്തി​​​െൻറ ഉത്തരവാദിത്തം ​െഎ.എസ്​ ഏറ്റെടുത്തു. 

ബുധനാഴ്​ച രാവിലെ നാല്​ തോക്കുധാരികൾ പാർലമ​​െൻറ്​ വളപ്പിൽ പ്രവേശിക്കുകയും സുരക്ഷാഭടനെയും മറ്റൊരാളെയും വെടിവെച്ചുകൊല്ലുകയുമായിരുന്നു. സ്​ത്രീവേഷം ധരിച്ച ഇവർ സന്ദർശകർക്കുള്ള കവാടത്തിലൂടെയാണ്​ കടന്നതെന്ന്​ ആഭ്യന്തര മന്ത്രാലയ ഉദ്യോഗസ്​ഥൻ അറിയിച്ചു. പാർലമ​​െൻറിനകത്ത്​ കനത്ത വെടിവെപ്പും ഏറ്റുമുട്ടലുമുണ്ടായി. അകത്തുണ്ടായിരുന്നവരെ സംഘം മണിക്കൂറുകളോളം ബന്ദികളാക്കി. എന്നാൽ, ഇറാൻ ഇത്​ നിഷേധിച്ചു.

പാർലമ​​െൻറ്​ സമ്മേളനം നടക്കുന്നതിനിടെയാണ്​ സംഭവം. കുട്ടി ഉൾപ്പെടെ നിരവധി പേരെ കെട്ടിടത്തി​​​െൻറ ജനലുകളിലൂടെയും മറ്റും​ പൊലീസ്​ രക്ഷപ്പെടുത്തി​. അതിനിടെ, പാർലമ​​െൻറി​​​െൻറ നാലാം നിലയിൽനിന്ന്​ ആക്രമിസംഘം സമീപത്തെ തെരുവിലേക്കും വെടിവെപ്പ്​ നടത്തി. പുറത്തുവന്ന ഒരു ആക്രമി തെരുവിൽ ​പരക്കെ വെടിവെപ്പ്​ നടത്തിയെന്നും ഉടൻ പൊലീസ്​ എത്തി തിരിച്ചു വെടിവെച്ചതോടെ ഇയാൾ പാർലമ​​െൻറിനകത്തേക്ക്​ പിൻവാങ്ങിയെന്നും റിപ്പോർട്ടുണ്ട്​. പ്രാദേശിക സമയം രാവിലെ 10.15ന്​ ആരംഭിച്ച സുരക്ഷാനടപടി മണിക്കൂറുകൾ നീണ്ടു. വൈകീട്ട്​ മൂന്നുമണിയോടെയാണ്​ ആക്രമികളിൽ മൂന്നുപേരെ കൊലപ്പെടുത്തിയത്​. അ​തേസമയം, മന്ദിരത്തി​‍​​െൻറ നാലാമത്തെ നിലയിൽ ആക്രമികളിൽ ഒരാൾ സ്വയം പൊട്ടിത്തെറിച്ചു.   

പാർലമ​​െൻറ്​ ആക്രമണം നടന്ന അതേസമയത്ത്​ ഒരു വനിത ഉൾപ്പെടെ രണ്ടുപേരടങ്ങുന്ന സംഘം തെഹ്​റാൻ നഗരത്തിൽനിന്ന്​ 20 കിലോമീറ്റർ തെക്ക് സ്​ഥിതിചെയ്യുന്ന ഖുമൈനി സ്​മൃതികുടീരത്തിലെത്തുകയും സുരക്ഷാഭടനെ വെടിവെച്ചുകൊല്ലുകയും ചെയ്​തു. പടിഞ്ഞാറെ ഗേറ്റിലൂടെ എത്തിയ ഇവരുടെ ആക്രമണത്തിൽ നിരവധി പേർക്ക്​ പരിക്കേറ്റു. അധികം വൈകാതെ ആക്രമിസംഘത്തിലെ ഒരാളെ ​സുരക്ഷാവിഭാഗം വെടിവെച്ചുകൊന്നു. അതിനിടെ വനിതാ ചാവേർ സ്വയം പൊട്ടിത്തെറിച്ചു. 

ഖുമൈനി സ്​മൃതികുടീരത്തിൽ രക്ഷാപ്രവർത്തനത്തിനെത്തിയ ആംബുലൻസിനുനേരെ 16 തവണ വെടിവെപ്പുണ്ടായെന്ന്​ വെൽഫെയർ  ഒാർഗനൈസേഷൻ ഒാഫ്​ ഇറാൻ അറിയിച്ചു. ഇൗ സംഭവത്തിൽ ആർക്കും പരിക്കില്ല. ആക്രമണങ്ങളെ തുടർന്ന്​ തെഹ്​റാൻ നഗരം കനത്ത സുരക്ഷാവലയത്തിലായി. പൊലീസ്​ വാഹനഗതാഗതം തടയുകയും മെട്രോ സർവിസ്​ നിർത്തിവെക്കുകയും ചെയ്​്​തു. സംഭവത്തെ തുടർന്ന്​ ഇറാൻ സുരക്ഷ കൗൺസിൽ അടിയന്തര യോഗം ചേർന്നു. ഭീകരാക്രമണം ലക്ഷ്യമിട്ട്​ നിരവധി സംഘങ്ങൾ തെഹ്​റാനിൽ എത്തിയതായും ഇതിൽ ഒരുസംഘത്തെ അറസ്​റ്റ്​ ചെയ്​തതായും ആഭ്യന്തര  മന്ത്രാലയം അറിയിച്ചു.