െഎൻസ്​റ്റീനെക്കാളും ​െഎ.ക്യു നിലവാരം ഇന്ത്യൻ വംശജന്​

ലണ്ടൻ: ഇന്ത്യൻ വംശജനായ 11കാരന് ശാസ്​ത്രജ്ഞൻമാരായ ആൽബർട്ട്​ െഎൻസ്​റ്റീനെക്കാളും സ്​​റ്റീഫൻ ഹോക്കിംഗ്​സിനേക്കാളും ഉയർന്ന ​െഎ.ക്യു​. ബ്രിട്ടനിൽ നടന്ന ​മെൻസ െഎ.ക്യു പരിശോധനയിലാണ്​ തെക്കൻ ഇംഗ്ലണ്ടിലെ റീഡിങ്​സിൽ നിന്നുള്ള ഇന്ത്യൻ വംശജനായ അർണവ്​ ശർമ െഎൻസ്​റ്റീ​െനക്കാളും ഹോക്കിംഗ്​സിനേക്കാളും ഉയർന്ന ​െഎ.ക്യു നിലവാരം പുലർത്തിയത്​. ​െഎൻസ്​റ്റീനും ഹോക്കിംഗ്​സിനും ​െഎ.ക്യു പോയിൻറ്​ 160 ​ആണ്​. എന്നാൽ അർണവ്​​ അവരേക്കാൾ രണ്ടു പോയിൻറ്​ കൂടി ​162 പോയിൻറാണ്​ സ്​കോർ ചെയ്​തത്​. 

ആഴ്​ചകൾക്ക്​ മുമ്പായിരുന്നു പരിശോധന. കടുകട്ടി പരീക്ഷകളിൽ പോലും തയാറെടുപ്പുക​െളാന്നുമില്ലാതെ തന്നെ അർണവ്​ വിജയിയായി. എട്ടു പേർ പരീക്ഷക്ക്​ ഉണ്ടായിരുന്നു. രണ്ടു പേർ ഒഴികെ ബാക്കിയുള്ളവർ മുതിർന്നവരായിരുന്നെന്നും അർണവ്​ പറഞ്ഞു. തയാ​െറടുപ്പുകൾ ഇല്ലായിരുന്നെങ്കിലും താൻ ​പരിഭ്രമിച്ചില്ല. ​െഎ.ക്യു ഫലം അറിഞ്ഞപ്പോൾ ത​​​​​​െൻറ രക്ഷിതാക്കൾ അത്​ഭുതപ്പെട്ടു​െവന്നും അർണവ്​ വ്യക്​തമാക്കി. 

അർണവ്​ രണ്ടു വയസാകു​േമ്പാഴേക്കും ഗണിതത്തിൽ മിടുക്കനായിരുന്നെന്ന്​ അമ്മ മീഷ ധമിജ ശർമ പറഞ്ഞു.  ഗണിതത്തിൽ മാത്രമല്ല, പാട്ടിലും നൃത്തത്തിലും അവന്​ താത്​പര്യമുണ്ടെന്നും മീഷ കൂട്ടിച്ചേർത്തു. 

രാജ്യത്ത്​ വളരെ കുറച്ച്​ പേർക്ക്​ മാത്രം നേടാനായ ഉയർന്ന നിലവാരമാണ്​ അർണവ്​ നേടിയിരിക്കുന്നതെന്ന്​ ​മെൻസ െഎ.ക്യൂ ടെസ്​റ്റി​​​​​​െൻറ സംഘാടകർ അറിയിച്ചു. ​െഎ.ക്യു നിലവാരം രണ്ടു ശതമാനമുള്ളവർ ഉൾപ്പെടുന്ന സൊസൈറ്റിയാണ്​ മെൻസ. ലോകത്തിലെ ഏറ്റവും പഴയതും വലുതുമായ സൊ​െസെറ്റിയാണിത്​.