മദ്യപിച്ച്​ വാഹനമോടിച്ച്​ അപകടമുണ്ടാക്കിയ ലണ്ടൻ താരത്തിനെതിരെ ഇന്ത്യൻ വംശജൻ

ലണ്ടൻ: മദ്യപിച്ച്​ വാഹനമോടിച്ച പ്രശസ്​ത ടി.വി താരം തങ്ങളുടെ വാഹനത്തിന്​ അപകടം വരുത്തിയെന്ന്​ ബ്രിട്ടനിലെ ഇന്ത്യൻ വംശജരായ കുടംബം. അപകടം വരുത്തിയെങ്കിലും വാഹനത്തിൽ നിന്ന്​ ഇറങ്ങാനോ മാപ്പു പറയാനോ താരം തയാറായില്ലെന്നും കുടുംബം പരാതിപ്പെട്ടു. 

ലണ്ടനിലെ റസ്​റ്റോറൻറ്​ ഉടമസ്​ഥനായ ഫഹീം വാനൂവും കുടംബവുമാണ്​ പരാതിക്കാർ. ഫഹീമും ഭാര്യ ശിൽപ ദണ്ഡേക്കറും മകൾ നാലുവയസുകാരി അമീറയും രണ്ടു സഹ പ്രവർത്തകരും സഞ്ചരിച്ച കാറിലാണ്​ ടി.വി താരം ആൻറ്​മാക്​ പാർട്​ലി​​​െൻറ വാഹനം ഇടിച്ചത്​. അപകടത്തിൽ ആർക്കും കാര്യമായ പരിക്കേറ്റിട്ടില്ല. 

അദ്ദേഹം പണക്കാരനാണെന്നതോ പ്രശസ്​ത ടി.വി താരമാണെന്നതോ എനിക്ക്​ പ്രശ്​നമല്ല. അദ്ദേഹത്തി​​​െൻറ കാർ ​തെറ്റായ വശത്തുകൂടെ അതിവേഗത്തിൽ സഞ്ചരിച്ച്​ ഒരു കാറിനെ മറികടന്ന്​ വരികയായിരുന്നു. തങ്ങൾ എല്ലാവരും സീറ്റ്​ ബെൽറ്റ്​ ധരിച്ചിരുന്നതിനാൽ പരിക്കേറ്റില്ല. നാലു വയസുകാരി മകൾ കുട്ടികളുടെ സീറ്റിലിരിക്കുകയായിരുന്നു. പരിക്കേറ്റില്ലെങ്കിലും അപകടത്തി​​​െൻറ ആഘാതം വലുതാണെന്നും ഫഹീം പറഞ്ഞു. 

അപകടത്തിനു ശേഷം കാറിൽ തളർന്നതുപോലെ ഇരിക്കുകയായിരുന്നു ടി.വി താരം. അദ്ദേഹം തങ്ങളോട്​ മാപ്പ്​ പറയാൻ തയാറായില്ലെന്നും ഫഹീം ആരോപിച്ചു. സംഭവത്തെ തുടർന്ന്​ മദ്യപിച്ച്​ വാഹനമോടിച്ചതിന്​ ആൻറ്​മാക്​ പാർട്​ലിനെ ​െപാലീസ്​ അറസ്​റ്റ്​ ചെയ്​തു.