Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightWorldchevron_rightകോവിഡ്​ അനുഭവം...

കോവിഡ്​ അനുഭവം പങ്കുവെച്ച്​ ലണ്ടനിലെ ഇന്ത്യൻ വംശജ

text_fields
bookmark_border
കോവിഡ്​ അനുഭവം പങ്കുവെച്ച്​ ലണ്ടനിലെ ഇന്ത്യൻ വംശജ
cancel

ലണ്ടൻ: ‘എത്ര സ്വാഭാവികമായാണ്​ നമ്മൾ ശ്വാസമെടുക്കുന്നത്​. പക്ഷേ, അകത്തേക്കും പുറത്തേക്കും ശ്വാസ വായു സഞ്ചരിക ്കുന്നത്​ എങ്ങനെയാണെന്ന്​ ഇനി ഞാനോർക്കും’.. കോവിഡ്​ ബാധിതയായി ദിവസങ്ങളോളം ഗുരുതരാവസ്​ഥയിൽ ചികിത്സയിൽ കഴി ഞ്ഞ ശേഷം ജീവിതത്തിലേക്ക്​ തിരിച്ചെത്തിയ ലണ്ടനിലെ റിയ ലഖാനി പറയുന്നു. ഇപ്പോഴും ചെറിയ ശ്വാസ തടസം അനുഭവിക്കുന് ന റിയ വീട്ടിൽ സമ്പർക്ക വിലക്കുകളുമായി വിശ്രമത്തിലാണ്​.

ഇന്ത്യൻ വംശജയായ റിയ, സെയിൽസ്​ എക്​സിക്യൂട്ടിവാണ്​ . മറ്റൊരു രോഗത്തിന്​ നേരത്തെ നിശ്ചയിച്ചതനുസരിച്ച്​ ശസ്​ത്രക്രിയക്കായി ആശുപത്രിയി​െലത്തിയതായിരുന്നു അവർ. അവിടെ ചികിത്സക്കിടെ ചില ലക്ഷണങ്ങൾ കണ്ടെങ്കിലും കോവിഡ്​ ബാധിക്കാൻ അവസരങ്ങളൊന്നും ഇല്ലാതിരുന്നതിനാൽ സംശയിച്ചില്ല. ഉറപ്പ്​ വരുത്താൻ മാത്രമായാണ്​ സാമ്പ്​ൾ പരിശോധനക്ക്​ നൽകിയത്​. പോസിറ്റീവ്​ ഫലം വന്നപ്പോൾ എല്ലാവരും ഞെട്ടി.

രോഗാവസ്​ഥ കൂടുതൽ മോശമായതോടെ അവരെ കോവിഡ്​ ചികിത്സാ കേന്ദ്രത്തിലേക്ക്​ മാറ്റി. ‘ഞാൻ ഏറെക്കുറെ മരിച്ചിരുന്നു’ എന്നാണ്​ രോഗം ഗുരുതരമായ അവസ്​ഥയെ കുറിച്ച്​ റിയ പറയുന്നത്​. കൃത്രിമ ശ്വസനോപകരണങ്ങളുടെ സഹായത്തോ​െടയാണ്​ ആ ദിവസങ്ങളിൽ അവർ അതിജീവിച്ചത്​. ‘ശ്വാസമെടുക്കുന്നത്​ മല കയറുന്നത്​ പോലെ പ്രയാസമുള്ള കാര്യമായിരുന്നു’-റിയ പറയുന്നു.

കുടുംബാംഗങ്ങളോടടക്കം അകലം പാലിച്ച്​ കർശന വിലക്കുകളുമായാണ്​ അവർ ഇപ്പോൾ വീട്ടിൽ കഴിയുന്നത്​. ശ്വസനം ഇപ്പോഴും പ്രയാസമുള്ള കാര്യമാണെന്ന്​ അവർ പറയുന്നു. എന്നാൽ, വിശ്രമത്തിലൂടെ ആരോഗ്യം തിരിച്ച്​ കിട്ടുമെന്നാണ്​ ഡോക്​ടർമാർ പറയുന്നത്​.

ഗുരുതര സാഹചര്യം മറികടക്കാനായാൽ, 80 ശതമാനം കോവിഡ്​ രോഗികൾക്കും പ്രത്യേക ചികിത്സ ഇല്ലാതെ തന്നെ ആരോഗ്യം വീണ്ടെടുക്കാനാകുമെന്ന്​ ലോകാരോഗ്യ സംഘടന വിലയിരുത്തുന്നുണ്ട്​. കോവിഡ്​ ബാധിക്കുന്ന ആറിൽ ഒരാൾക്ക്​ മാത്രമാണ്​ രോഗം ഗുരുതരമാകുന്നതെന്നാണ്​ ഇതു വരെയുള്ള കണക്കുകൾ തെളിയിക്കുന്നത്​.

ആശുപത്രി ജീവനക്കാരുടെ സേവനവും റിയ സ്​മരിക്കുന്നുണ്ട്​. അവരാണ്​ യഥാർഥ താരങ്ങൾ എന്നാണ്​ അതേകുറിച്ച്​ റിയക്ക്​ പറയാനുള്ളത്​.

Show Full Article
TAGS:covid 19 coronavirus corona outbreak london world news malayalam news 
Web Title - Indian-Origin COVID-19 Survivor In UK Shares Her Story
Next Story