കശ്​മീർ: മൂന്നാമതൊരു കക്ഷിയുടെ ഇടപെടൽ വേണ്ട- ഇമ്മാനുവൽ മാക്രോൺ

പാരീസ്​: കശ്​മീർ വിഷയത്തിൽ ഇന്ത്യയും പാകിസ്​താനും ഉഭയകക്ഷി ചർച്ചകളിലൂടെ പരിഹാരം കാണണമെന്ന്​ ഫ്രഞ്ച്​ പ്രസി ഡൻറ്​ ഇമ്മാനുവൽ മാക്രോൺ. വിഷയത്തിൽ മൂന്നാമതൊരു കക്ഷിയുടെ പ്രേരണയോ ഇടപെടലോ ആവശ്യമില്ല. മേഖലയിൽ സമാധാന അന് തരീക്ഷം നിലനിർത്തണമെന്നും ജനങ്ങളുടെ അവകാശങ്ങൾ സംരക്ഷിക്കപ്പെടണമെന്നും മാക്രോൺ പറഞ്ഞു. ത്രി രാഷ്ട്ര സന്ദര് ‍ശനത്തിന്റെ ഭാഗമായി ഫ്രാന്‍സിലെത്തിയ പ്രധാനമന്ത്രി നരേന്ദ്ര മോദിയുമായുള്ള കൂടിക്കാഴ്​ചക്ക്​ ശേഷം സംസാരിക്കുകയായിരുന്നു അദ്ദേഹം.

നരേന്ദ്ര​േമാദിയുമായി 90 മിനിറ്റ്​ നീണ്ട ചർച്ചയിൽ ഇന്ത്യൻ സർക്കാർ കശ്​മീരിൽ കൈകൊണ്ട നടപടികളെ കുറിച്ച്​ ചർച്ചചെയ്​തതായും അത്​ രാജ്യത്തി​​െൻറ പരാമധികാര വിഷയമായി കാണുന്നുവെന്നും മാക്രോൺ പറഞ്ഞു.

ഇന്ത്യക്ക് കൂടുതല്‍ റഫാല്‍ വിമാനങ്ങള്‍ ഫ്രാന്‍സ് കൈമാറുമെന്നും ഇമ്മാനുവൽ മാക്രോൺ അറിയിച്ചു. കരാർ പ്രകാരമുള്ള 36 വിമാനങ്ങളിൽ ആദ്യത്തേത്​ അടുത്ത മാസം തന്നെ ഇന്ത്യക്ക്​ നൽകുമെന്നും അദ്ദേഹം അറിയിച്ചു.

ഇരുനേതാക്കളുടെയും കൂടിക്കാഴ്ചക്കിടെ വിവിധ വിഷയങ്ങളില്‍ ഇന്ത്യയും പാകിസ്താനും സഹകരണത്തിലെത്താനും ധാരണയായി. ആണവോര്‍ജ രംഗത്തും സഹകരണം ഉറപ്പാക്കും.

ഫ്രഞ്ച് പ്രധാനമന്ത്രി എഡ്വേര്‍ഡ് ഫിലിപ്പെമുമായി ചര്‍ച്ച നടത്തുന്ന മോദി ഫ്രാന്‍സിലെ ഇന്ത്യന്‍ വംശജരുമായി സംവദിക്കും. മാക്രോണി​​െൻറ ക്ഷണമനുസരിച്ച് പരിസ്ഥിതി, കാലാവസ്ഥ, സമുദ്ര ഗവേഷണം എന്നിവ സംബന്ധിച്ചുള്ള ജി-7 ഉച്ചകോടി ചര്‍ച്ചകളിലും പങ്കെടുക്കും.