അപകീർത്തി കേസ്​: ഇമ്രാൻ ഖാ​െൻറ മുൻഭാര്യ രെഹം ഖാന്​ അനുകൂല വിധി

ലണ്ടൻ: പാക്​ പ്രധാനമന്ത്രി ഇമ്രാൻ ഖാ​​െൻറ മുൻഭാര്യ രെഹം ഖാനെതിരെ അപകീർത്തികരമായ പരാമർശം പ്രസിദ്ധീകരിച്ച ചാന ലിനെതിരെ യു.കെ ഹൈകോടതി. രെഹം ഖാനെതിരെ മുൻ റെയിൽവേ മന്ത്രി നടത്തിയ അപകീർത്തി പരാമർശങ്ങൾ പ്രസിദ്ധീകരിച്ച ചാനൽ ദ ുനി​യ ടിവി മാപ്പുപറയണമെന്നും നഷ്​ടപരിഹാരം നൽകണമെന്നും ഹൈകോടതി ഉത്തരവിട്ടു. രെഹം നിയമവ്യവഹാരത്തിന്​ ചെലവഴി ച്ച തുക ചാനൽ നൽകണമെന്നും ഉത്തരവിലുണ്ട്​.

2018 ജൂണിലാണ്​ കേസിനാസ്​പദമായ സംഭവം നടന്നത്​. ഇമ്രാൻ ഖാനെതിരെ വിവാദ വെളിപ്പെടുത്തൽ നടത്തി പുസ്​തകമെഴുതിയ രെഹമിനെതിരെ അന്നത്തെ റെയിൽവേ മന്ത്രിയായ ​െശെ​ഖ്​ റഷീദ്​ അപകീർത്തി പരാമർശം നടത്തുകയായിരുന്നു. എതിർ പാർട്ടിയായ പാകിസ്​താൻ മുസ്​ലിം ലീഗിൽ നിന്നും പണം വാങ്ങിയ ശേഷമാണ്​ രെഹം ഇമ്രാ​നെതിരെ ത​​െൻറ ആത്മകഥയിൽ വെളിപ്പെടുത്തൽ നടത്തിയത്​ എന്നായിരുന്നു റഷീദി​​െൻറ പ്രസ്​താവന. പി.എം.എൽ പാർട്ടി നേതാവ്​ ശെഹ്​ബാസ്​ ശരീഫിൽ നിന്നും രെഹം പണം വാങ്ങിയെന്നും മന്ത്രി ആരോപിച്ചിരുന്നു.

ആരോപണങ്ങൾ രെഹം നിഷേധിച്ചിട്ടും 24 മണിക്കൂർ ഉറുദു വാർത്താ ചാനലായ ദുനിയ ടിവി ശൈഖ്​ റഷീദി​​െൻറ പ്രസ്​താവന പലതവണ പ്രസിദ്ധീകരിച്ചു. ഇത്​ ത​​െൻറ അന്തസ്സിനെ കളങ്കപ്പെടുത്തി എന്നാരോപിച്ചാണ്​ രെഹം ചാനലിനെതിരെ അപകീർത്തി കേസ്​ കൊടുത്തത്​.

ഇമ്രാന് പല സ്ത്രീകളുമായി ലൈംഗികബന്ധം ഉണ്ടായിരുന്നു എന്നും അതുവഴി അഞ്ചു മക്കൾ ഉണ്ടായിട്ടുണ്ട് എന്നുമായിരുന്നു രെഹം ഖാൻ ത​​െൻറ ആത്​മകഥയിൽ വെളിപ്പെടുത്തിയത്​. വിവാഹിതനായ ഒരു പുരുഷസുഹൃത്തുമായി ഇമ്രാന് സ്വവർഗപ്രണയമുണ്ടായിരുന്നു. 1970 കളിലെ ഒരു ബോളിവുഡ്‌ സൂപ്പർനായികയുമായി വഴിവിട്ട ബന്ധമുണ്ടായിരുന്നു എന്ന് ഇമ്രാൻ വെളിപ്പെടുത്തിയതായും രെഹം പുസ്തകത്തിൽ തുറന്നെഴുതിയിരുന്നു.

പാകിസ്​താൻ പൊതുതെരഞ്ഞെടുപ്പിലേക്ക് രണ്ടാഴ്ച ബാക്കി നിൽക്കെയാണ് വിവാദപുസ്തകം പുറത്തിറങ്ങിയത്​. ഈ സാഹചര്യത്തിലാണ്​ രെഹം പ്രതിപക്ഷ പാർട്ടിയിൽ നിന്നും പണം വാങ്ങിയാണ്​ പുസ്​തകമെഴുതിയതെന്ന ആരോപണം ഉയർന്നത്​.

2015 ലായിരുന്നു ഇമ്രാനും രെഹം ഖാനും തമ്മിലുള്ള വിവാഹം. ഇരുവരുടെയും രണ്ടാം വിവാഹമായിരുന്നു അത്.അധിക നാളുകൾ കഴിയും മുൻപേ ഇരുവരും വേർപിരിയുകയും ചെയ്തിരുന്നു.