Begin typing your search above and press return to search.
exit_to_app
exit_to_app
Homechevron_rightNewschevron_rightWorldchevron_rightജർമനിയിൽ കോവിഡി​െൻറ...

ജർമനിയിൽ കോവിഡി​െൻറ പേരിൽ ജൂതരെ കുറ്റ​പ്പെടുത്തുന്നതായി പരാതി

text_fields
bookmark_border
ജർമനിയിൽ കോവിഡി​െൻറ പേരിൽ ജൂതരെ കുറ്റ​പ്പെടുത്തുന്നതായി പരാതി
cancel
camera_alt???????????????? ????????? ????????????????? ????? ??????????? ???????

ബെർലിൻ: രാജ്യത്ത്​ കോവിഡ്​ വ്യാപിക്കുന്നതിനിടെ തങ്ങളെ അധിക്ഷേപിക്കുന്ന തരത്തിൽ ചിലകേന്ദ്രങ്ങൾ സന്ദേശങ്ങൾ പ്രചരിക്കുന്നതായി ജർമനി​യിലെ ജൂത സംഘടനകൾ. വൈറസുമായി ബന്ധപ്പെടുത്തി ജൂതന്മാരെ കുറ്റപ്പെടുത്തുന്ന ഗൂഢാലോചന സിദ്ധാന്തങ്ങൾ പ്രചരിപ്പിക്കുന്നത് തടയണമെന്ന്​ സർക്കാരിനോടും മാധ്യമങ്ങളോടും അവർ ആവശ്യപ്പെട്ടു.

സെമിറ്റിക് വിരുദ്ധത വ്യാപിപ്പിക്കാനും വിദ്വേഷ പ്രസംഗങ്ങൾ ഇൻറർനെറ്റിൽ പ്രചരിപ്പിക്കാനും വലതുപക്ഷ പ്രക്ഷോഭകർ ശ്രമിക്കുന്നതായി ജർമനിയിലെ സെൻട്രൽ കൗൺസിൽ ഓഫ് ജ്യൂസ് മേധാവി ജോസഫ് ഷസ്റ്റർ മാധ്യമപ്രവർത്തകരോട് പറഞ്ഞു. മഹാമാരി ജനങ്ങളിൽ സൃഷ്​ടിച്ച ഉത്കണ്ഠയുടെ മറവിൽ ജൂതവിരുദ്ധ ഗൂഢാലോചന നടപ്പാക്കുകയാണ്​ ഇവർ ചെയ്യുന്നതെന്നും അദ്ദേഹം പറഞ്ഞു. 

ലോകഭരണം കൈക്കലാക്കാനുള്ള ജൂതതന്ത്രമാണ്​ വൈറസിനുപിന്നിലെന്ന്​ ചിലർ പ്രചരിപ്പിക്കുന്നതായി ബെർലിനിലെ വാല്യൂസ്​ ഇനീഷ്യേറ്റീവ്​ എന്ന എൻ.‌ജി‌.ഒ പ്രസ്​താവനയിൽ പറഞ്ഞു. ജർമനിയിൽ ലോക്ഡൗൺ നടപ്പാക്കിയതിനെതിരെയുള്ള പ്രതിഷേധം ചിലർ ജൂതർക്കെതിരെ തിരിച്ചുവിടുന്നതായും ഇവർ ആരോപിച്ചു.

അതേസമയം, രാജ്യത്ത്​ ഏർപ്പെടുത്തിയ നിയന്ത്രണങ്ങൾ രണ്ടാം ഹോളോകോസ്​റ്റാണെന്നും വിവിധ സംഘടനകൾ ആരോപിച്ചു. ലോക്​ഡൗണിനെതിരെ ജർമൻ നഗരങ്ങളിൽ നടക്കുന്ന ‘ശുചിത്വ പ്രകടന’ങ്ങളിൽ ലോക്ഡൗണിനെ ഹോളോകോസ്റ്റുമായി താരതമ്യപ്പെടുത്തുന്ന പോസ്​റ്ററുകൾ പ്രദർശിപ്പിച്ചിരുന്നു. കടുത്ത നിയന്ത്രണങ്ങൾ നാസി കാലഘട്ടത്തിലെ ജൂതന്മാരെ പീഡിപ്പിക്കുന്നതിന് സമാനമാണെന്നാണ്​ ഇവരുടെ വാദം.

Show Full Article
TAGS:germany jews anti-Semitic corona virus covid 19 lockdown holocaust 
News Summary - German Jews urge govt to help stop anti-Semitic conspiracy -world news
Next Story