സുരക്ഷാകിറ്റുകളില്ല; നഗ്​നരായി ജർമൻ ഡോക്​ടർമാരുടെ പ്രതിഷേധം

ബെർലിൻ: കോവിഡിനെതിരായ യുദ്ധ മുന്നണിയിൽ പടച്ചട്ടകൾ നഷ്​ടപ്പെട്ട അവസ്​ഥയിലായ ഡോക്​ടർമാർ വേറിട്ട പ്രതിഷേധവ ുമായി രംഗത്ത്​. സുരക്ഷാ കിറ്റുകളില്ലാതെ ജോലി ചെയ്യേണ്ടി വരു​ന്ന നിസഹായാവസ്​ഥ തുറന്ന്​ കാണിക്കാൻ നഗ്​നരായി ഫ ോ​​ട്ടോ എടുത്താണ്​ ജർമനിയിലെ ഡോക്​ടർമാർ പ്രതിഷേധിച്ചത്.

ആവശ്യത്തിന്​ സുരക്ഷാ കിറ്റുകളില്ലാതെ അപകടകരമായി ജോലി ചെയ്യേണ്ട അവസ്​ഥയിലാണെന്നും മാസങ്ങളായി തങ്ങളുന്നയിക്കുന്ന ആവശ്യം അധികൃതർ ചെവികൊള്ളുന്നില്ലെന്നുമാണ്​ ഡോക്​ടർമാർ പറയുന്നത്​. അധികൃതരുടെ ശ്രദ്ധ പതിയാനാണ്​ വേറിട്ട പ്രതിഷേധമാർഗം തെരഞ്ഞെടുത്തത്​.

വസ്​ത്രങ്ങൾ ധരിക്കാതെ, പരിശോധനാ ഉപകരണങ്ങളുടെയോ കേസ്​ ഫയലുകളുടെയോ ചെറിയ മറവ്​ മാത്രം ഉപയോഗപ്പെടുത്തിയാണ്​ ഡോക്​ടർമാർ ചിത്രങ്ങളെടുത്ത്​ പങ്ക്​ വെച്ചത്​. കോവിഡ്​ ​പ്രതിരോധത്തിൽ ഡോക്​ടർമാർ ചാവേറുകളാകുന്നു എന്ന്​ സൂചിപ്പിച്ച്​ ഫ്രഞ്ച്​ ഡോക്​ടർ അലൻ കൊളംബി നേരത്തെ നഗ്​ന ഫോ​ട്ടോ പങ്കുവെച്ചിരുന്നു. ഇതിൽ നിന്ന്​ പ്രചോദനം ഉൾക്കൊണ്ടാണ്​ ജർമൻ ഡോക്​ടർമാരുടെ പ്രതിഷേധം.

സുരക്ഷാ സംവിധാനങ്ങളില്ലെങ്കിൽ എത്രമാത്രം അപകടാവസ്​ഥയിലാണ്​ തങ്ങ​െളന്ന്​ ബോധ്യപ്പെടുത്താനാണ്​ നഗ്​നമായി ചിത്രമെടുത്തതെന്ന്​ പ്രതി​േഷധത്തിൽ പ​െങ്കടുത്ത ഡോക്​ടർ റൂബൻ ബെർനോ പറയുന്നു. സുരക്ഷാ കിറ്റുകൾക്കായി ഡോക്​ടർമാർ ജനുവരി മുതൽ ആവശ്യം ഉന്നയിക്കുന്നുണ്ട്​.

ജർമനിയിലെ കമ്പനികൾ സുരക്ഷാ കിറ്റുകളുടെ ഉദ്​പാദനം വലിയ തോതിൽ വർധിപ്പി​ച്ചെങ്കിലും കുതിച്ചുകയറുന്ന ആവശ്യത്തിനനുസരിച്ച്​ വിതരണത്തിന്​ അത്​ മതിയായിരുന്നില്ല. ആശുപത്രികളിൽ നിന്ന്​ സുരക്ഷാ ഉപകരണങ്ങളും അണുനശീകരണികളും മോഷണം പോകുന്നതായും പരാതിയുണ്ടായിരുന്നു.