ശൈ​ത്യം: യൂ​റോ​പ്പ്​ സാധാരണ നിലയിലേക്ക്​

പാ​രി​സ്​: അ​തി​ശൈ​ത്യം നാ​ശം വി​ത​ച്ച യൂ​റോ​പ്പി​ൽ സ്​​ഥി​തി​ഗ​തി​ക​ൾ സാധാരണനിലയിലേക്ക്​. കാ​ലാ​വ​സ്​​ഥ മോ​ശ​മാ​യ​തി​നെ​ത്തു​ട​ർ​ന്ന്​ തു​ട​ർ​ച്ച​യാ​യി ര​ണ്ട്​ ദി​വ​സം അ​ട​ച്ചി​ട്ട ജ​നീ​വ​യി​ലെ വി​മാ​ന​ത്താ​വ​ളം വെ​ള്ളി​യാ​ഴ്​​ച ഉ​ച്ച​യോ​ടെ വീ​ണ്ടും തു​റ​ന്നു. ബ്രി​ട്ട​നി​ൽ  റോ​ഡു​ക​ളി​ൽ മ​ഞ്ഞ്​ വീ​ണ​ത്​ ഗ​താ​ഗ​ത​ക്കു​രു​ക്ക്​ രൂ​ക്ഷ​മാ​ക്കി​യ​തി​നെ​ത്തു​ട​ർ​ന്ന്​ സൈ​ന്യം രം​ഗ​ത്തി​റ​ങ്ങി.

ഡാ​ർ​ലി​ങ്​​ട​ണി​ൽ മ​ഞ്ഞു​വീ​ഴ്​​ച​യെ​ത്തു​ട​ർ​ന്ന്​ ആ​ശു​പ​ത്രി​യി​ൽ എ​ത്താ​നാ​വാ​തെ യു​വ​തി റോ​ഡി​ൽ പ്ര​സ​വി​ച്ചു. അ​യ​ർ​ല​ൻ​ഡി​ൽ സ്​​ഥി​തി ശാ​ന്ത​മാ​യെ​ന്ന്​ മ​ന്ത്രി ഒാ​ഗ​ൻ മ​ർ​ഫി ട്വി​റ്റ​റി​ലൂ​ടെ അ​റി​യി​ച്ചു. എ​ന്നാൽ ഡ​ബ്ലി​ൻ വി​മാ​ന​ത്താ​വ​ളം ശ​നി​യാ​ഴ്​​ച വ​രെ അ​ട​ഞ്ഞ്​ കി​ട​ന്നു. 24,000 ത്തി​ല​ധി​ക​മാ​ളു​ക​ൾ വെ​ള്ളി​യാ​ഴ്​​ച വ​രെ ഇ​രു​ട്ടി​ലാ​യി​രു​ന്നു. ഇ​റ്റ​ലി​യി​ലും താ​പ​നി​ല അ​ൽ​പം ഉ​യ​ർ​ന്നെ​ങ്കി​ലും പ്ര​ധാ​ന പാ​ത​ക​ൾ ഇ​പ്പോ​ഴും ത​ട​സ്സ​പ്പെ​ട്ട്​ കി​ട​ക്കു​ക​യാ​ണ്.താ​പ​നി​ല പൂ​ജ്യം ഡി​ഗ്രി​യോ അ​തി​ന്​ താ​ഴെ​യോ ആ​യ​ത്​ കൊ​ണ്ട്​ ​ചില രാ​ജ്യ​ങ്ങ​ളി​ലെ േറാ​ഡ്, റെ​യി​ൽ, വി​മാ​ന ഗ​താ​ഗ​ത സം​വി​ധാ​നം പുനസ്​ഥാപിച്ചിട്ടില്ല. ഒ​രാ​ഴ്​​ച​യാ​യി തു​ട​രു​ന്ന ശീ​ത​ക്കാ​റ്റി​നെ​യും മ​ഞ്ഞു​വീ​ഴ്​​ച​യെ​യും തു​ട​ർ​ന്ന്​ 60 പേ​ർ മ​രി​ച്ച​താ​യാ​ണ്​ റി​പ്പോ​ർ​ട്ട്. 
കൂ​ടു​ത​ൽ ആ​ളു​ക​ൾ മ​രി​ച്ച​ത്​ പോ​ള​ണ്ടി​ലാ​ണ്. 23 പേ​ർ.  ഹി​മ​പാ​ത​ത്തെ തു​ട​ർ​ന്ന്​ സ്വി​റ്റ്​​സ​ർ​ല​ൻ​ഡി​ൽ താ​പ​നി​ല മൈ​ന​സ്​ 40 ഡി​ഗ്രി സെ​ൽ​ഷ്യ​സ്​ ആ​യി.