യൂറോപ്പിൽ കോവിഡ്​ മരണം ലക്ഷം കടന്നു

യൂറോപ്പിൽ കോവിഡ്​ ബാധിച്ച്​ മരിച്ചവരുടെ എണ്ണം ലക്ഷം കടന്നു. ഇറ്റലി, സ്​പെയിൻ, ഫ്രാൻസ്​ എന്നീ രാജ്യങ്ങളിലാണ ്​ വൈറസ്​ കൂടുതൽ നാശംവിതച്ചത്​. ഇറ്റലിയിലെയും സ്​പെയിനിലെയും മരണനിരക്ക്​ 20,000 കവിഞ്ഞിരിക്കയാണ്. ഫ്രാൻസ്​ തൊട് ടുപിന്നാലെയുണ്ട്​. സ്​പെയിനിൽ ദിവസേനയുള്ള മരണനിരക്കിൽ കുറവുണ്ട്​. ഞായറാഴ്​ച 410 പേരാണ്​ മരിച്ചത്​. മാർച്ച്​ 22നു ശേഷം രേഖപ്പെടുത്തുന്ന ഏറ്റവും കുറഞ്ഞ മരണനിരക്കാണിത്​. ആകെ മരണം 20,639 ആണ്​.

രോഗബാധിതരുടെ എണ്ണത്തിൽ തുർക്കി ഇ റാനെ മറികടന്നു. 82,329 പേരിലാണ്​ തുർക്കിയിൽ രോഗം സ്​ഥിരീകരിച്ചത്​. അൽജീരിയ, മൊറോകോ രാജ്യങ്ങൾ ലോക്​ഡൗൺ നീട്ടി യപ്പോൾ, ഇറാൻ നിയന്ത്രണങ്ങളിൽ ഇളവുവരുത്തി. കടകളും ഫാക്​ടറികളുമാണ്​ തുറന്നത്​. ആരാധനാലയങ്ങൾമേയ്​ നാലുവരെ അടഞ്ഞുകിടക്കും. ജയിലുകളിൽ കോവിഡ്​ പടരുന്നത്​ തടയുന്നതി​​െൻറ ഭാഗമായി പുറത്തുവിട്ട തടവുകാർക്ക്​ ഒരുമാസം കൂടി പുറത്തുതന്നെ കഴിയാം.

ന്യൂയോർക്കിൽ മരണനിരക്കിൽ അൽപം കുറവുണ്ട്​. യു.എസിലും ബ്രസീലിലും ഇസ്രായേലിലും ലോക്​ഡൗണിനെതിരെ ജനം തെരുവിലിറങ്ങി.ജീവനക്കാർക്ക്​ പനിയുണ്ടോ എന്ന്​ തിരിച്ചറിയാൻ യു.എസിലെ സംഭരണശാലകളിൽ ആമസോൺ തെർമൽ കാമറകൾ സ്​ഥാപിച്ചു. കോവിഡ്​ ബാധിച്ച നടനും ടെലിവിഷൻ താരവുമായ നിക്​ കോർഡെറോയുടെ വലതുകാൽ മുറിച്ചുമാറ്റു. 20 ദിവസമായി ലോസ്​ ആഞ്​ജൽസിലെ ആശുപത്രിയിലാണ്​ ഇദ്ദേഹം.

ജപ്പാനിൽ രോഗബാധിതരുടെ എണ്ണം 10,361 ആയി. ഗൾഫ്​ രാജ്യങ്ങളിൽ കുടുങ്ങിയവർ പാകിസ്​താനിൽ തിരിച്ചെത്തിയതോടെ രാജ്യത്ത്​ കോവിഡ്​ ബാധിതരുടെ എണ്ണം കൂടുമെന്നാണ്​ റിപ്പോർട്ട്​. ഇസ്രായേലിൽ രോഗികളുടെ എണ്ണം 13,300 ആയി. ഇപ്പോൾ 7993 പേർക്കാണ്​ കോവിഡ്​ പിടിപെട്ടത്​. ഞായറാഴ്​​ചയോടെ ലോക്​ഡൗണിൽ ഇളവുവരുത്തിയെന്ന്​ കാവൽ പ്രധാനമന്ത്രി ബിന്യമിൻ നെതന്യാഹു അറിയിച്ചു.

സിംഗപ്പൂരിൽ 24 മണിക്കൂറിനിടെ 596 പേർക്കുകൂടി രോഗം സ്​ഥിരീകരിച്ചു. ആകെ രോഗബാധിതരുടെ എണ്ണം ഇതോടെ 6588 ആയി. ദക്ഷിണ കൊറിയയിൽ രണ്ടുമാസത്തിനിടെ ആദ്യമായി രോഗബാധിതരുടെ എണ്ണം ഒറ്റയക്ക സംഖ്യയിലെത്തി. കഴിഞ്ഞദിവസം എട്ടുപേരിലാണ്​ കോവിഡ്​ കണ്ടെത്തിയത്​. ദക്ഷിണ കൊറിയയും ലോക്​ഡൗണിൽ ഇളവു പ്രഖ്യാപിച്ചു.ബ്രസീലിൽ കോവിഡ്​ ബാധിതരുടെ എണ്ണം 36000 കവിഞ്ഞു.

സ്​പെയിനിൽ കുട്ടികൾക്ക്​ പുറത്തിറങ്ങാൻ അനുമതി
മഡ്രിഡ്​: സ്​പെയിനിൽ പുതിയ കേസുകൾ കുറഞ്ഞതോടെ ലോക്​ഡൗണിൽ ഇളവ്​ പ്രഖ്യാപിച്ചു. കുട്ടികൾക്ക്​ വീടിനു പുറത്തിറങ്ങാൻ സ്​പാനിഷ്​ സർക്കാർ അനുമതി നൽകി. ഈ മാസം 27 മുതലാണ്​ വിലക്കു നീക്കുക. കുട്ടികൾക്ക്​ ഇളവു വേണമെന്ന്​ ബാഴ്​സലോണ മേയർ ആവശ്യപ്പെട്ടിരുന്നു. മാർച്ച്​ 14 മുതൽ കുട്ടികൾ വീട്ടിൽ നിന്ന്​ പുറത്തിറങ്ങുന്നത്​ വിലക്കിയിരിക്കയാണ്​.