മനുഷ്യാവകാശ ലംഘനം: തുർക്കിക്ക്​ ഇ.യു ധനസഹായം നഷ്​ടമാവും

​ബർലിൻ: തുർക്കി സർക്കാർ മനുഷ്യാവകാശ ധ്വംസനം നടത്തുന്നുവെന്ന റിപ്പോർട്ടി​നെ തുടർന്ന്​ രാജ്യത്തിനുള്ള ധനസഹായം വെട്ടിക്കുറക്കുമെന്ന്​ യൂറോപ്യൻ യൂനിയൻ (ഇ.യു)അറിയിച്ചു. ഇ.യു നൽകാനിരുന്ന ആയിരത്തിലധികം കോടി രൂപയുടെ ധനസഹായമാണ്​ തുർക്കിക്ക്​ നഷ്​ടമാവുകയെന്ന്​ യൂറോപ്യൻ പാർലമ​െൻറ്​ പുറത്തിറക്കിയ പ്രസ്​താവനയിൽ പറയുന്നു. ജനാധിപത്യം, നിയമവാഴ്​ച, മനുഷ്യാവകാശം എന്നീ വിഷയങ്ങളിൽ തുർക്കിയിലെ സാഹചര്യങ്ങൾ ആശങ്കജനകമാണെന്ന്​ യൂറോപ്യൻ പാർലമ​െൻറ്​ വിലയിരുത്തിയതി​​െൻറ അടിസ്​ഥാനത്തിലാണ്​ നടപടി.

2016ലുണ്ടായ അട്ടിമറിശ്രമത്തി​നു പിന്നാലെ തുർക്കിയിൽ വിമത കേന്ദ്രങ്ങൾക്കുനേരെ ഭരണകൂട നടപടി ശക്തമാക്കിയിരുന്നു. ഇതി​​െൻറ ഭാഗമായി പതിനായിരങ്ങളാണ്​ അറസ്​റ്റിലായത്​. നടപടി പാശ്ചാത്യരാഷ്​ട്രങ്ങളുടെയും അന്താരാഷ്​ട്ര ഏജൻസികളുടെയും കനത്ത വിമർശനത്തിന്​ ഇടയാക്കി. ഇൗ വർഷം ഏപ്രിലിൽ പ്രസിഡൻറി​​െൻറ അധികാരം ഉൗട്ടിയുറപ്പിച്ച്​ തുർക്കി നടത്തിയ ഭരണഘടന ഭേദഗതിയും ഇ.യു അംഗരാജ്യങ്ങളും തുർക്കിയും തമ്മിലെ ബന്ധം വഷളാക്കി. അതേസമയം, ഇ.യു ആരോപണങ്ങൾ തുർക്കി തള്ളി.