'ട്വിറ്റർ ഗേളിന്'​ തുർക്കി പൗരത്വം

ഇസ്​തംബൂൾ: സിറിയൻ സൈന്യത്തി​​​െൻറ യുദ്ധ ഭീകരത ലോകത്തെ അറിയിച്ച 'ട്വിറ്റർ ഗേളിന്​' തുർക്കി പൗരത്വം ലഭിച്ചു. കഴിഞ്ഞ ദിവസമാണ്​ ട്വിറ്റർ ഗേളായി പേരെടുത്ത ഏഴു വയസുകാരി ബനാ അലാബിദിനും കുടുംബത്തിനും തുർക്കി പ്രസിഡൻറ്​ റജബ്​ ത്വയ്യിബ്​ ഉർദുഗാന്​ പൗരത്വ രേഖ നൽകിയത്​. 

കഴിഞ്ഞ വർഷം ഡിസംബറിലാണ്​ സിറിയൻ സൈന്യത്തി​​​െൻറ ഉപരോധത്തിലായിരുന്ന വിമത നിയന്ത്രണ​ മേഖലയായ അലപ്പോയിൽ നിന്ന്​ ബനയെയും കുടുംബത്തെയും രക്ഷാ പ്രവർത്തകർ തുർക്കിയിലെത്തിച്ചത്​. യുദ്ധം തകർത്തെറിഞ്ഞ അലപ്പോയിലെ സംഭവ വികാസങ്ങൾ ഒരോ ദിവസവും ബന ട്വിറ്ററിലൂടെ വിവരിച്ചിരുന്നു. ത​​​െൻറ ജീവിതം വിവരിക്കുന്ന ഒരു ബുക്കും ഇതിനകം ഏഴ്​ വയസുകാരി എഴുതിയിട്ടുണ്ട്​.