വി​ഖ്യാ​ത ഫോ​േ​ട്ടാ​ഗ്രാ​ഫ​ർ ശൗ​ക്കാ​നെ ഇൗ​ജി​പ്​​ത്​ മോ​ചി​പ്പി​ച്ചു

​കൈ​റോ: ലോ​ക​പ്ര​ശ​സ്​​ത ഫോ​േ​ട്ടാ ജേ​ണ​ലി​സ്​​റ്റ്​ മ​ഹ്​​മൂ​ദ്​ അ​ബു​സെ​യ്​​ദി​നെ (ശൗ​ക്കാ​ൻ) അ​ഞ്ചു ​വ​ർ​ഷ​ത്തി​നു​​ശേ​ഷം ഇൗ​ജി​പ്​​ത്​ മോ​ചി​പ്പി​ച്ചു. 2013 ആ​ഗ​സ്​​റ്റി​ൽ പ​ട്ടാ​ള​ത്തി​നെ​തി​രാ​യ പ്ര​ക്ഷേ ാ​ഭം റി​പ്പോ​ർ​ട്ട്​ ചെ​യ്യു​ന്ന​തി​നി​ടെ​യാ​ണ്​ അ​ദ്ദേ​ഹ​ത്തെ അ​റ​സ്​​റ്റ്​ ചെ​യ്​​ത​ത്.

സ​മ​രം ചെ​ യ്​​ത നൂ​റു​ക​ണ​ക്കി​നു​ പേ​രെ​യാ​ണ്​ അ​ന്ന്​ പ​ട്ടാ​ളം വെ​ടി​വെ​ച്ചു​കൊ​ന്ന​ത്. ഇ​തി​നു പി​ന്നാ​ലെ ജ​നാ​ ധി​പ​ത്യ​വാ​ദി​ക​ൾ​ക്കെ​തി​രെ ക​ർ​ശ​ന ന​ട​പ​ടി​യും സ​ർ​ക്കാ​ർ തു​ട​ങ്ങി​യി​രു​ന്നു.

പൊ​തു​മു​ത​ൽ ന​ശി​പ്പി​ക്ക​ൽ, പൊ​ലീ​സു​കാ​രു​ടെ വ​ധം തു​ട​ങ്ങി​യ ഗു​രു​ത​ര ക​ു​റ്റ​ങ്ങ​ൾ ചു​മ​ത്തി 739 പേ​ർ​ക്കൊ​പ്പം ശൗ​ക്കാ​നെ​യും വി​ചാ​ര​ണ ചെ​യ്​​തു. ആ​ധു​നി​ക ഇൗ​ജി​പ്​​ത്​ ക​ണ്ട ഏ​റ്റ​വും വ​ലി​യ കൂ​ട്ട വി​ചാ​ര​ണ​ക​ളി​ലൊ​ന്നാ​യി​രു​ന്നു ഇ​ത്. ഇ​തി​ൽ 75 പേ​ർ​ക്ക്​ വ​ധ​ശി​ക്ഷ വി​ധി​ച്ച കോ​ട​തി, ക​ഴി​ഞ്ഞ സെ​പ്​​റ്റം​ബ​റി​ൽ ശൗ​ക്കാ​നെ അ​ഞ്ചു​വ​ർ​ഷ ത​ട​വി​ന്​ ശി​ക്ഷി​ച്ചു. അ​പ്പോ​ഴേ​ക്കും ശി​ക്ഷാ​കാ​ലാ​വ​ധി അ​ദ്ദേ​ഹം ജ​യി​ലി​ൽ പൂ​ർ​ത്തി​യാ​ക്കി​യി​രു​ന്നു. മോ​ച​ന ന​ട​പ​ടി​ക്ര​മ​ങ്ങ​ൾ പൂ​ർ​ത്തി​യാ​ക്കാ​നാ​ണ്​ പി​ന്നീ​ട്​ ഇ​ത്ര​യും മാ​സ​മെ​ടു​ത്ത​ത്. ഗി​സ​യി​ലെ അ​ൽ​ഹ​റം പൊ​ലീ​സ്​ സ്​​റ്റേ​ഷ​നി​ൽ നി​ന്ന്​ തി​ങ്ക​ളാ​ഴ്​​ച പു​ല​ർ​ച്ച അ​ദ്ദേ​ഹ​ത്തെ വി​ട്ട​യ​ച്ചു.

ശൗ​ക്കാ​​െൻറ അ​റ​സ്​​റ്റും വി​ചാ​ര​ണ​യും ലോ​ക​മെ​ങ്ങും വ​ലി​യ കോ​ളി​ള​ക്കം സൃ​ഷ്​​ടി​ച്ചി​രു​ന്നു. ​അ​റി​യ​പ്പെ​ടു​ന്ന മാ​ധ്യ​മ​പ്ര​വ​ർ​ത്ത​ക​നാ​യ ശൗ​ക്കാ​നു​​മേ​ൽ കൊ​ല​പാ​ത​കം, നി​േ​രാ​ധി​ത സം​ഘ​ട​ന​യി​ലെ അം​ഗ​ത്വം തു​ട​ങ്ങി​യ വ​ധ​ശി​ക്ഷ വ​രെ കി​ട്ടാ​വു​ന്ന വ​കു​പ്പു​ക​ൾ ചാ​ർ​ത്തി​യ​തി​നെ​തി​രെ മ​നു​ഷ്യാ​വ​കാ​ശ, മാ​ധ്യ​മ സം​ഘ​ട​ന​ക​ൾ രം​ഗ​ത്തു​വ​ന്നി​രു​ന്നു.

​​മാ​ധ്യ​മ​പ്ര​വ​ർ​ത്ത​നം എ​ന്ന ത​​െൻറ തൊ​ഴി​ൽ ചെ​യ്യു​ക​യാ​യി​രു​ന്ന ശൗ​ക്കാ​നെ, പൊ​ലീ​സ്​ മൃ​ഗീ​യ​ത റി​പ്പോ​ർ​ട്ട്​ ചെ​യ്​​തു എ​ന്ന ഒ​റ്റ​ക്കാ​ര​ണ​ത്താ​ലാ​ണ്​ പി​ടി​കൂ​ടി​യ​തെ​ന്ന്​ ആം​ന​സ്​​റ്റി കു​റ്റ​പ്പെ​ടു​ത്തി. പ​ക്ഷേ, വി​ചാ​ര​ണ​യി​ൽ​നി​ന്ന്​ പി​ന്മാ​റാ​ൻ ഇൗ​ജി​പ്​​ത്​ ത​യാ​റാ​യി​ല്ല. ശൗ​ക്കാ​നൊ​പ്പം അ​ഞ്ചു​വ​ർ​ഷം ത​ട​വി​ന്​ ശി​ക്ഷി​ക്ക​പ്പെ​ട്ട 214 പേ​രും തി​ങ്ക​ളാ​ഴ്​​ച മോ​ചി​ത​രാ​യി.