നെതർലൻഡ്​സിൽ പൂച്ചകൾക്കും നായക്കും കോവിഡ്​

ആംസ്​റ്റർഡാം: നെതർലൻഡ്​സിൽ മൂന്നു പൂച്ചകൾക്കും വളർത്തുനായക്കും കോവിഡ്​-19 സ്​ഥിരീകരിച്ചു. എട്ടുവയസ്​ പ്രായമുള്ള നായക്ക്​ ഉടമയിൽ നിന്നാണ്​ കോവിഡ്​ പകർന്നതെന്ന്​ ഡച്ച്​ അഗ്രിക്കൾച്ചർ മന്ത്രി കരോള സ്​ഷൂട്ടൻ പറഞ്ഞു.

നീർനായ ഫാമിൽ നിന്നാണ്​ പൂച്ചകൾക്ക്​ രോഗംപകർന്നത്​. നീർനായക്ക്​ ഏപ്രിലിൽ കോവിഡ്​ സ്​ഥിരീകരിച്ചിരുന്നു. ഹോ​ങ്കോങ്ങിലും നേരത്തേ രണ്ട്​ പട്ടികൾക്ക്​ കോവിഡ്​ കണ്ടെത്തിയിരുന്നു. ബെൽജിയത്തിലും ചൈനയിലും നേരത്തേ വളർത്തു മൃഗങ്ങൾക്ക്​ കോവിഡ്​ സ്​ഥിരീകരിച്ചിരുന്നു.

നെതർലൻഡ്​സിൽ 5643 പേരാണ്​ കോവിഡ്​ മൂലം മരിച്ചത്​. 43,681 പേർ രോഗബാധിതരാണ്​.